Page 17 - ATA

HENDE Diasabra 2 December 2017
A17

E ultimo edicion di Expedicion Arkeologico

ORANJESTAD – Recientemente Museo Arkeologico
Nacional Aruba a tene su ultimo actividad publico pa e
aña aki. E actividad aki tabata den colaboracion Sticht-
ing Monumentenfonds Aruba y Multifunctionele Ac-
comodatie Paradera. Esaki ta egun e relato cu nos a
ricibi.

Participantenan di e expedicion arkeologico a subi bus y auto
pa haci e recorido na sitionan arkeologico, cuminsando na
MFA na Paradera. Aki nan participantenan a wordo deleita cu
un bunita show di Tanchi Betty y grupo di bailerosea cultural
y Nini cu grupo di baile Cadushi Largo, mientras cu registra-
cion tabata tumando luga. Durante e recorido den bus partici-
pantenan a haya informacion tocante nos herencia cultural y
na cada sitio arkeologico e expertonan den arkeologia a conta
tocante e sitio specifico aki. Algun boluntario a percura pa du-
shi ambiente di Pasco den e bus cu musica y canto. E sitionan
cu a wordo bishita e aña aki tabata riba tereno priva di cual e
doñonan a duna nan colaboracion pa habri nan pa publico pa
e dia special aki. Pa esaki Museo ta gradici Stichting Eliezer, sr.
Schoonen y Notaris Marjon Tromp profundamente.

Tambe a haci un di e stop nan di e recorido e aña aki tabata
e exitoso fiesta di cunucu cu Stichting Monumentenfonds
a organisa pa di cuater biaha caba. Akinan participantenan a
pasa un dushi rato cu bunita show y tabata tin e oportunidad
pa bishita e cas di cunucu y cumpra un dushi pasaboca y algo
di bebe y saca potret cu e Wantomba pa asina participa na e
campaña di Stichting Monumentenfonds.
Participantenan a reacciona hopi contento y satisfecho y es-
aki ta pa un gran parti danki na e boluntarionan fantastico
cu a yuda haci e di cuater expedicion arkeologico uno exi-
toso asina. Tambe un danki na De Palm Tours cu a pone 3
bus disponibel, sin cual no lo tabata posibel pa haci e expedi-
cion e aña aki. Na mes momento danki na Balashi N.V. cu a
pone boter di awa disponibel pa e boluntario y trahadonan di
museo. Museo Arkeologico Nacional Aruba ta hopi contento
y hopi gradici na e colaboracion cu Stichting Monumenten-
fondsen special Mircla Nava y na MFA Paradera specialmente
Andres (Modechi) Werleman cu a yuda masha hopi cu e parti
organisatorio. Tambe nos ta gradici e participantenan pa e bon
acogida atrobe. Keda pendiente pa nos edicion aniversario
otro aña!