Page 20 - ATA

A32 HENDE
Diasabra 2 December 2017

Aruba Fashion Week a habri oficial

ORANJESTAD – Na Marriott Hotel e edicion 2017 di
Aruba Fashion Week a conoce ayera su ‘grand opening’
cu riba catwalk moda di Carmen Steffens, Rhona
Lemminga, Olga Bolaños, Marcia Arocha y di Agatha
Ruiz de la Prada.

Enzo Esposito, PR di e evento di tres dia ta conta cu tin 15
diseñado en total di kende 2 di Aruba y e resto di afo, manera
di Spaña, Colombia,Venezuela, Brasil y di Merca. Motibo
cu e evento lo tuma luga na Aruba, e ta conta, ta pasobra
nos ta un destino turistico. “Esta un niche den e marcanan
di moda internacional. Pa e diseñadornan local ta un bon
oportunidad pa presenta nan riba un evento internacional
y uzo e Fashion Week como un plataforma pa presenta pa
prensa internacional.” Tin prensa di Colombia, Venezuela,
Santo Domingo y di Miami.
Segun sr. Esposito e meta ta pa e evento lo crece mas, pues cu
lo bira un siman di berdad. Awe tin e Swim Day Fashion Show
na Penha (mainstreet) unda 5 diseñador Venezolano lo mustra
nan creacionnan. E clausura lo ta riba diadomingo unda di 1
pa 4or di atardi lo tuma luga Fashion Talks Conference na
hotel Ritz Carlton y di 6 pa 10 pm mas moda di entre otro
Brasil na e Renaissance Marketplace riba e pier.