Page 14 - AM180721

14 AWEMainta Diasabra, 21 Juli 2018

Auto di Polis envolví den accidente

DIAHUEBS atardi
6:30, patruya di Santa
Cruz a haye envolvi
den un boksmento na
Piedra Plat.
E patruya segun
nos a compronde lo
tawata usando sirena
y luznan, mirando cu
e tawata bayendo un
asistencia.
Yegando e crusada
pariba di rotonde
di Piedra Plat un
Mitsubishi Lancer ta
subi caminda. E auto
di polis pa un of otro
motibo su brake lo a
faya, y ta dal patras di
e Lancer banda robes.
E patruya ta kibra parti
dilanti banda drechi.
Polisnan di trafico
a yega na e sitio, pa
atende e boksmento.

Chauffeur bou influencia deteni despues di a

ocasiona un accidente

DIAHUEBS algo pasa di 6’or di atardi, na
altura di rotonde Belgiestraat ta sosode un
accident. Un homber manehando un Toyota
Yaris Blanco no ta controla su velocidad
na tempo y ta dal tras di e Honda CRV cu
tabata su dillanti.
Mesora ta pidi pa presencia di polis,
na yegada polis ta bin compronde cu e
chauffeur di e Toyota Yaris lo tabata bou
influencia, mesora pidi pa un test di alcohol
y un transportwagen.

Hopi liher e transportwagen a yega na e sitio
y despues cu polis a haci e test di alcolhol
cu e chauffeur a resulta cu aparentemente
e chauffeur a supla mas di loke ta wordo
permiti pa ley.
E chauffeur a keda deteni y transporta pa
warda di polis na Oranjestad,
E dos ocupantenan di e CRV tabata keha
di algun dolor y nan a wordo transporta
cu ambulance pa hospital pa un checkeo
medico mas avansa.