Page 38 - Min.Social 22 April'15

Alex Schwengle: Pabien na nos damanan hoben futbolista

Tuesday, 21 April 2015 21:30
Comparti

Den e ultimo añanan e popularidad, participacion y cobertura di “Weganan Interinsular”, unda cu
scolnan di diferente isla ta competi contra otro, a crece enormemente. E input di IBiSA den training y
guia na Aruba ta dunando resultadonan positivo.
Entrenamentonan ta wordo tuma hopi na serio y e resultadonan ta bisto. Un di e ekiponan di Aruba cu
sigur a atrae hopi atencion durante e weganan di fin di siman pasa tabata e ekipo di futbol di
International School of Aruba cu a haci un tremendo papel na Corsou.
Minister di Deporte, dr. Alex Schwengle ta felicita tur esunnan cu a contribui na e exito aki, incluyendo
meneer Lee y meneer Samingoen di International School of Aruba, e teamnan di Aruba cu a yuda den
nan training ora di weganan di fogeo, e mayornan di e hobennan y IBiSA.
“E ekipo di damanan hoben di Aruba a surpasa delaster un reto y a gana delaster un wega, nan a hisa e
bara masha halto pa otronan sigui y asina a logra e di prome luga y e titulo maximo di e Campeonato.
Nos a sigui tur desaroyo, aunke di leu, y ta hopi contento pa wak nos hobennan activo, disciplina y
triunfante,” Minister Schwengle ta remarca.
“Ta un prestacion excepcional pa na final di un torneo asina nan a keda invicto, cu 23 gol na nan fabor y
0 gol contra. Masha, masha pabien na e ekipo estelar di futbol di International school. Masha pabien na e

hungado mas valioso di e weganan, Yori Broussard. Masha pabien Aruba,”
e mandatario ta conclui.

http://www.24ora.com/politica-mainmenu-18/94384-alex-schwengle-pabien-na-nos-damanan-hoben-
futbolista