Page 5 - LOTTO NOV 20,2015

AWEMainta Diabierna, 20 November 2015 7

Parlamentario Evelyn Wever-Croes:

Ki dia pueblo ta
haya su placa di

belasting bek?

Gobierno mester paga interes n’e
cuidadano, ora e tarda pa paga bek

DURANTE reunion den Parlamento, lider di MEP Ev-

elyn Wever-Croes a cuestiona Minister di finansas, con
por ta posibel cu Gobierno no ta dunando placa bek
na cuidadanonan di belasting. Or abo mester paga,
nan ta cobrabo mesora, pero ora mester paga bek, ta
tarda masha largo mes.

“Den e cuentanan anual di 2013 nos no por mira ningun
caminda cuanto placa Gobierno mester paga bek na
cuidadanonan. Aki mi ta referi n’e placa cu mester paga
bek di inkomstenbelasting. Minister no por a contesta
esaki tampoco”, segun Evelyn Wever-Croes.
“Tin un atraso grandi den duna hende placa bek, y no
ta husto. Ora di cobra si Gobierno ta cobra mesora pero
ora di paga bek no”.

Na anja 2010 Minister Mike de Meza a duna nos un
planning cu e lo a keda cla cu e atrasonan den dos aña.
Pero despues el a busca guera cu e hefenan di Directie y
Ontvanger te cu el a core cu nan pa despues e hasi wega
politico cu e departamento, reglando ‘kwijtschelding’
pa su amigonan.
Pues e no a logra. Na aña 2014 Minister Juan David
Yrausquin a duna nos otro planning, cu lo keda cla e aña
aki na mei te cu 2012, pero awendia ainda hendenan
ta wardando nan 2010! Segun Minister Bermudez, nan
lo keda cla dentro di poco te cu 2012. Nos ta spera cu
e biaha aki si Gobierno cumpli, pasobra no ta husto. E
cuidadanonan mester di e placa, Evelyn Wever-Croes
ta bisa.

Pago di interes

Aña pasa na januari Minister Yrausquin a priminti Parla-
mento tambe cu e ta bai traha un ley den cual abo tin cu
haya placa bek, tambe Gobierno ta bai paga bo interes.
E ley aki lo a keda di wordo traha aña pasa ainda, pa
drenta na vigor prome di januari 2016. Pero te dia di
awe, nos no a tende nada. Esaki ta otro promesa falso?
Ta birando tempo cu ora un cuidadano mester haya
placa bek di belasting, e tambe tin derecho di haya
interes rib’e placa, mescos cu Gobierno ta cobra interes
ora e cuidadano debe belasting. Mi a pidi Minister Ber-
mudez pa traha rib’esaki y cumpli cu e promesanan di
su Gobierno” Segun lider di MEP