Page 32 - HOH

e actual sistema di operacion ta nifica y e forma cu bienestar y bida di Arubianonan ta
na wega.

Placa di belasting di Pueblo di Aruba a wordo uza den e cocktail amargo cu a percura pa

creacion di un Hospital cu ta nifica mas dolor di cabes cu e ta cura problema medico.

Democracia no ta permiti pa e sumanan cu a wordo hinca den e hospital nobo keda un
cadena di problema cu ta afecta cuido medico. Unabes Aruba mester soluciona un

calamidad cu tabata producto di mal planificacion den pasado ora a uza placa di pueblo
pa introduci e ekipo nobo den hospital nobo sin un bon proteccion, Aruba mester
conoce un solucion total pa e problema.

Minister Dangui Oduber a wordo encarga pa medio di e proceso democratico pa atende
cu e problemanan na Hospital y no por tin ningun instancia, cu no ta e mayoria den
Parlamento, cu por nenga pa e tuma medidanan cu mester tuma pa soluciona loke ta
pasa den hospital.

Mester adapta e base legal di hospital y pueblo mester haya un bista total den e
cifranan di hospital for di momento cu a papia di creacion di un hospital di cinco strea,
cu a bira un fracaso total.

Pueblo a encarga gobierno Wever-Croes cu gobernacion di Aruba y tur medida cu
mester tuma awor pa Aruba haya e cuido medico cu e tin derecho ariba mester wordo
tuma y mester scrap tur loke ta impedi esaki.

Teniendo cuenta cu e situacion mundial di peligronan nobo cu ta sigui menasa, Aruba
mester haya un bista completo di e forma cu a introduci e hospital nobo, e fayonan cu
tabata tin, loke el a costa, e calamidad cu a presenta, e personanan cu ta den e

diferente instancianan relaciona cu hospital y tur loke awor mester pasa pa Aruba por
tin garantia di un bon salud publico y sigur cuido medico garantisa.

E fraude den laboratorio tambe mester wordo clarifica.

E pakete cu Ministro Dangui Oduber a haya no ta facil. Aruba ta confia cu e por duna
Aruba tur informacion di e futuro nobo pa cuido medico cu mester tin un base legal na
bienestar di pueblo.