Page 35 - HOH

“E momento cu nos haya un melding for di WHO cu tin un virus nobo, e melding ey nos
ta haya oficialmente for di Hulanda y nos tin contacto tambe cu e otro islanan pa wak
kico nan tambe ta haciendo”.

“Mester compronde cu no ta bay stop e virus di drenta, pues importante ta pa bo ta
prepara pa ‘deal’ cune”.

“Bo plannan di preparacion y bo ‘response plans’ mester ta na ordo”.

Esaki segun Koolman, kende a sigui bisa cu mester compronde cu den e situacion aki e
ta un virus nobo, pues no tin un plan cu ta cla caba.

“Bo tin si locual ta wordo yama un plan generico cu ta adapta na e situacion akinan”.

“Esey ta locual mundialmente tur pais ta haciendo y nos tambe ta haciendo esey”,
segun e hefe di DBZ.

El a splica cu den pasado a atende cu otro virusnan manera por ehempel SARS y pesey
e experiencia tey pa deal cu e virus ora e presenta.

“Nos ta cabando e plannan pa por ehecuta esakinan”.

“Banda di esey siman pasa nos tabata tin reunionnan caba y nos a uza e structura di
desastre, no pasobra e ta un crisis caba, pero simplemente pa bo informa bo

partnernan y tur bo servicionan na pais Aruba pa nan sa kico nos ta haciendo y kico ta
nan rol den full esaki”, segun Koolman, kende algun di e partnernan importante cu a
sinta cune ta ATA, Triple A, Directie Luchtvaart APA, ASTEC, Hospital ImSan, Ambulans
y specialistanan di hospital, pasobra ta nan tin cu atende cu e pashentnan.

Koolman a splica cu e parti mas importante cu mester sigui pone enfasis riba dje ta e
parti di higiena.

Laba man ta hopi importante, mientras cu ora bo tosa ta bon pa tosa den bo schouder,
bo elleboog of bo pana.