Page 38 - HOH

“Tambe tin 106 morto raporta y tur e mortonan aki ta di China”, segun Maduro, kende
a sigui bisa cu 40% di e mortonan aki tabata hendenan cu ya caba tabata tin un malesa
cronico raporta.

Sea nan tabata tin cancer, nan tabata tin diabetis, of nan tabata tin presion halto.

Esey ta pone cu e virus aki ta trece complicacionnan cu consecuencia fatal.

“Alemania a haya su prome caso raporta caba di Coronavirus, mescos cu Merca,
Canada y a continente di Oceania”.

“Di Dialuna pa Diamars ya tin casi 200 caso confirma y esaki tin di haber cu e hecho cu

mundialmente poco poco nan ta bezig ta adaptando e testnan diagnostico, esta con pa
diagnostica e Coronavirus”.

“Cada biaha nan ta refina e testnan y esey ta pone cu mas caso ta wordo detecta”.

Esaki segun Maduro, kende a sigui bisa cu e periodo di incubacion ora un persona
wordo infecta cu e virus te ora presenta sintoma, ta wordo papia di entre 2 pa 10 dia.

Sinembargo tin casonan reporta tambe di hendenan cu ta asimptomatico, segun
Maduro.

“E ta un virus nobo, pues datonan epidemiologico mester wordo colecta ainda na gran

escala, pa asina nan por duna un mihor bista riba kico e virus aki ta y con e ta
comportando su mes den e ser humano”.

“Asina ta haya un bista riba ki medida di prevencion mas specifico mester wordo

implementa”, segun Maduro.

https://www.diario.aw/2020/01/40-di-e-mortonan-di-coronavirus-tabata-hendenan-cu-un-enfermedad-
cronico-caba/