Page 43 - HOH

Compilacion di informacion den e ultimo dianan a bira e defensa grandi di hende contra
e Virus cu mester wordo reconoci cerca pashentnan pa asina medida por wordo tuma.

Gobierno di China a haya su mes cu encargo special y ayera a presenta su mes cu e

mensahe di su buskeda pisa pa haya un solucion pa e crisis cu e malesa a crea y ta
afecta mas cu solamente e menasa directo di wordo contagia.

Corona Virus a hinca mundo den un panico pa bida pero tambe economico cu ayera a

bira mas serio. Industrianan na China tabata cera nan porta y falta di conocemento
tabata crea un panico pa falta di informacion tambe.

Ta importante pa mustra cu cada malesa tin nan forma di avansa. Nan tin

circunstancianan cu ta haci posibel pa nan drenta na un pais y afecta hende.

Custumbernan di come y biba Chines por a bira uno di e motibonan cu e malesa a
plama facil. Cuminda na China ta consisti di platonan cu no ta existi na Aruba por

ehempel y a base di animalnan y insecto, cu na Aruba y parti grandi di mundo
Occidental no ta wordo considera como “cuminda”.

Riba mercadonan cu ta bende cuminda na cierto luganan na China por topa na cierto

ocasion cu normanan diferente pa higiena, cu ta hunga un papel masha importante pa
bacteria y enfermedad plama.

Pues aki tin dos factor cu ta hunga un papel y ta wordo investiga pa asina publico por

identifica e malesa y e formanan pa haya e malesa.

DIARIO a trata di compila informacion di motibonan di panico y reaccion basa riba e
miedo pa contagia.

E compilacion di informacion di personanan cu a haya e malesa y persona cu a perde
nan bida, te awor ta duna indicacion cu pulmon y curason ta wordo afecta y cu hende
cu tin problema cu pulmon y curason, tin mas chens di bira victima di e enfermedad.

Na hopi ocasion na China famia no a pega cu e enfermedad, cu no ta wordo transmiti
manera dengue por ehempel.