Page 40 - HOH

“Coronavirus ta un virus cu en general ta biba den animalnan, pero ocasionalmente ora
cu e virus cambia su structura e por bay di un animal pa e otro y yega te un ser
humano”.

“Una vez cu e virus adapta su mes na ser humano, e virus por pasa di un ser humano
pa otro y esaki por causa un epidemia/pandemia”.

Esaki segun Salazar, kende a sigui bisa cu tin 3 virus actualmente cu ta afecta

exclusivamente e ser humano.

Uno ta e Coronvirus cu ta causa un griep comun, unda cu mayoria biaha 30% di e
poblacion ta keda afecta.

E ta suave y despues di cierto tempo e ta desaparece.

E docter a splica cu tin tambe SARS cu ta causa hopi daño y un infeccion severo di

pulmon cu a causa 8.700 caso confirma y casi 800 morto rond mundo na 2009.

Despues a bin un virus yama MERS cu a bin di camel.

E virus aki su fuente principal aparentemente tabata raton di anochi.

“Awor nos conoce un virus nobo cu yama Novel Coronavirus, cu aparentemente a sali di
animalnan, pero ainda nan no sa di cua animal”.

“E virus aki a bula bay pa ser humano awor y e por causa hasta morto”.

“E virus aki cu a cuminza y ta expande na China ta creando un situacion riba cual nos

mester ta atento, pasobra e por converti su mes den un epidemia/pandemia”.

Esaki segun Salazar kende a splica cu e sintomanan ta manera di griep, esta keintura,
dolor di cabez, tos seco, nanishi cu ta core y dolor di curpa.

“Dependiendo di e condicion di e persona, si e virus avanza por tin complicacion
manera di un pneumonia of infeccion di pulmon y te hasta e virus por causa fayo di
riñon of otro organo, cu por causa morto”.