Page 18 - MIN ON Jan 21

B7 CRIMINALIDAD
Diaranson 21 Januari 2015
Homber tira na Mabon
MABON— Central ta manda Polis na Caya Bohi pa un
homber cu a wordo tira. Ora cu Polisnan a yega na e Post
di Polis di Bario, testigonan a bisa Polis cu e victima a wordo
hiba Centro Medico. Na Centro Medico, Polisnan a papia cu
e homber P naci na Aruba di 16 aña, kende ta bisa cu descon-
ocinan a core bin riba dje cu un auto, e luznan fuerte a haci
cu e no por a mira. Despues el a wordo tira na haltura di su
heup. Un testigo na Centro Medico a bisa cu nan tabata sinta
na haltura di e Post di Polis di Mabon, y na dado momento
un pickup blanco a core bin riba nan cu luz grandi. Despues
el a tende tiro. Su amigo a keha cu el a wordo tira na haltura
di su heup. El a reconoce e muchanan den e pickup como e
muchanan di Cayenastraat. Un di nan a grita cu ta Brandon
a tira y a core bay. E victima P, a wordo hiba hospital pa mas
tratamento. Recherche a wordo pone na haltura.q
Desconoci ta cende cortina
na candela
MADIKI— Central a manda Polis na Madiki pa un kiebro.
Na e sitio, Polis a papia cu e homber Z, kende ta bisa cu ora
cu el a yega cas, el a haya un holo sterki di huma. El a bay
controla su cas y a mira cu e bentana di e camber memey ta-
bata habri. Despues el a mira cu e cortina di e bentana patras
tabata na candela y a paga e candela cu awa. El a sigui controla
den su cas y a mira cu nan no a bay cu nada. E no sa kende
por a haci algo asina. Polis a conseha pe bay Recherche pa
duna keho.q
Desconocinan ta kima auto
procedente di ladronicia
SAN NICOLAS— Central a manda Polisnan na haltura di
e ruina di Diamantbergweg na unda tin un Nissan Pickup
blanco A-30455 cu ta procedente di ladronicia y ta na candela.
Bombero a bin na e sitio y a paga e auto, cu a keda comple-
tamente kima. Mirando cu e pickup ta horta y tambe tin un
testigo den e caso di tiramento na Mabon, cu a declara cu
el e mira e sospechosonan core bay den un pickup blanco,
Recherche a bin na e sitio pa tuma e investigacion. Despues a
hiba e pickup warda di Polis.q
Homber atraca despues cu
el a caba di traha
ORANJESTAD— Central ta manda Polis den Engeland-
straat na e oficina di Diario, pa un atraco. Na e sitio, Polis a Ora cu Polis a papia cu e chauffeur E.C.L, e tabata hole alcohol. Polis a laga su persona supla y
papia cu e homber H, kende ta bisa cu e ta canando pa trabou,
ora cu na haltura di e oficina di Avianca, un mucha homber
color bruin a dal patras di su cabes y el a bay suela. Despues
e sospechoso a busca den su saconan y a bay cu su celular y
su cartera.
Tambe su carson a kibra. E sospechoso despues a core bay
den direccion di Schotlandstraat. Polis a bisa H, pa e bay Re-
cherche pa duna keho. Polisnan a busca den bisindario, pero
no a topa nada.q
Hobennan desconoci den cura
di cas na Spaans Lagoen
SPAANS LAGOEN— Central a manda Polis na Spaans La-
goenweg pa un persona sospechoso. Na e sitio, Polis a papia
cu e muhe K, kende ta bisa cu tres mucha homber desconoci
a drenta den su cura.
Ora cu el a grita e tres muchanan, nan a core bay. Un di nan
a laga un sapato blanco cu biña atras di e marca Nike. Nan a
drenta den un auto preto , supuestamente Nissan Sentra of
Toyota Tercel y a core bay direccion pariba. Central a wordo
poni na haltura.q
Homber arma cu revolver coriendo
banda di bar
SAN NICOLAS-- Central a manda Polis na un bar den Helfrichstraat, na unda nan tin algo
di conta e Polisnan. Na e sitio, un testigo ta bisa cu un homber color scur, arma cu un revolver,
ta coriendo den un auto blauw rond. Segun e testigo, un di e muhenan di bar a mira esey, y el
a bisa cu no ta prome biaha cu esey ta pasa. Polisnan a tuma tur informacion y descripcion y a
busca den bisindario,pero no a haya nada.q
Ladron ta bay cu tas cu contenido
fei den auto
NOORD— Central ta manda Polis na un cas den Mazurka pa un kiebro. Na e sitio, Polisnan
a papia cu e muhe L, kende ta bisa cu dia 18 mas o menos 23.00, el a laga su auto na yabi. Ora
cu su yiu a yega mas o menos 06.45, y a bay mira pafo, el a mira cu desconoci a rista den e auto.
L, tabatin den e auto su tas di cuero di e marca Guess, den cual e tabatin su cartera cu rijbewijs,
cedula, visa credit card di Aruba Bank y un food gift card di Superfood di 78 florin. Polisnan
a mira cu no tabatin lastro di kiebro na e auto. Polis a tuma e keho.q
Ladron a bay cu flatscreen
SABANA BASORA – Central ta manda Polis na Sabana Basora Noord pa un kiebro. Na
e sitio, e muhe D, ta bisa cu desconocinan a kibra drenta den su cas y a bay cu su flatscreen
Samsung. Polis a tuma e keho.q
Polis ta intermedia pa problema na scol
SANTA CRUZ— Central ta manda Polis di Santa Cruz na EPB Santa Cruz pa un interme-
diacion. Na e sitio, e cabesante di scol y su assistent a bisa cu nan a yama Polis, como cu nan
tin problema cu e tata di un studiante cu siman pasa tabata envolvi den un pelea. E tata di G, a
rabia cu e director. E tabata rabia, como cu e no tabata di acuerdo cu e decision di W. pa straf su
yiu muhe, como cu e pelea a tuma luga pafo di tereno di scol. W. a papia cu e dos muchanan y
tin e obligacion pa pone ambos cera pas cu otro. Esaki a tuma luga y cos a keda trankil. Segun
e tata G, e no ta haya esey bon, como cu su yiu muhe a wordo maltrata y G, mes kier tuma ac-
cion. Polis a splica e tata cu e director a haci bon y cu su plannan malo, por tin consecuencia
malo, pero e no kier compronde. Despues di a intermedia basta largo, G, a wordo convenci pa
deshaci di su plannan malo. Polis a bisa W, si e kier duna keho e mester bay cu un declaracion
di dokter na oficina di JZP.q
Polis ta detene chauffeur bou di
influencia di alcohol
PAPILON—Durante patruya, Polisnan a mira e auto A-21174, un Kia blanco k2750, na hal-
tura di Papilon, ta core ta zwaai riba caminda. Relaciona cu esey, Polisnan a para e chauffeur.
e resultado ta 779 ugl. Mirando esey, el a keda deteni y hiba warda. Mirando cu den su pickup
tabatin diferente material di construccion, e auto a wordo para den cura di e cas na Papilon, y
a duna e homber M.P. e yabinan di auto cu permit di e homber E.C.L. Mas o menos 21.00,el
a wordo presenta dilanti Fiscal Auxilia, y despues cu a tende su persona e por a bay cas. Na
warda el a supla 490 ugl.q
Tres hoben haya cu marihuana den auto
HOOIBERG—Durante patruya, Polis a topa un auto Toyota Starlet blanco na haltura di
Indian Garden. Ora cu Polis a bay controla e personanan den e auto, nan a haya holo di
marihuana. Relaciona cu esey, Polis a puntra e chauffeur si e tin marihuana den su posicion.
Despues di esey, el a duna Polisnan 2 gram di marihuana. Polis a busca den e auto y a haya un
tas di un di e ocupantenan , tres pipa cu ta wordo uza pa marihuana. Tur e articulonan a keda
confisca y entrega na Departamento di Narcotica. Ta trata di J.A.O. di 24 aña naci na Peru.
R.W di 20 aña y L.R. di 21 aña, naci na Aruba.q