Page 21 - MIN ON Jan 21

Dangui Oduber: E ley cu lo haci gastonan di estudio
aftrekbaar pa belasting lo benificia hopi studiante

Tuesday, 20 January 2015 17:49
Comparti

Na e momentonan aki fraccion di MEP ta trahando riba un proposicion di ley pa haci gastonan di estudio
aftrekbaar pa belasting.
Nos fraccion ta trahando riba un concepto di ley pa trece un alivio pa esnan cu ta pagando nan
studiefinanciering y alabes fungi como incentivo pa atrae nos hobennan profesional bolbe cas bek. E
pagamento di studiefinanciering di IBG/DUO esaki ta forma un peso enorme pa tanto esnan cu ta paga
studiefinanciering y pa esnan cu ta interesa pa bin establece nan mes bek na Aruba. Netamente esaki ta
un motibo cu ta strobanan regresa y bin contribui cu e desaroyo di nos pais Aruba.
Consecuentemente nos a bai den nos seno y prepara un concepto di ley pa asina por deduci e pagonan di
fiansa den bo estudio tanto e interes y kapitaal como un aftrekpost di belasting pa stimula profesionalnan
bin cuminsa nan carera na Aruba. E ley ta ensera cu bo por deduci un maximo di 10 mil florin pa aña ( cu
un duracion di maximo pa 10 aña).
Nos fraccion ta hibando un oposicion critico pero alavez ta trata pa trece cambionan positivo cu ta na
beneficio di nos pueblo y trece solucionan pa porblemanan. Nos ta trata pa presenta leynan di inciativa
cu lo bai yuda nos communidad.
Una vez bo bai studia afor y bin bek bo ta hayabo confronta cu un debe hopi grandi. Or abo ta un young
professional y cuminsa bo carera na Aruba bo mester paga bo studielening, sera un hypoteca pa bo cas,
sera un prestamo pa un auto y ta bin gastonan addicional manera gastonan di utilidad y telefon. Cu e
iniciativa di ley aki e lo bai yuda e studiante pa haci e gastonan di studio aftrekbaar.
Esaki lo contribui tambe pa reduci e costo di bida halto pa e studiante. Actualemente e costo di ida na
Aruba ta haltisimo y Aruba ta birando impagabel. Nos ta spera cu nos por conta cu sosten di fraccion di
AVP pa aprobacion di e ley aki pasobra esaki ta algo na biniestar di nos future generacion.

Comentarionan (1)

Mustra/Kita comentarionan
Ian Croes
January 20, 2015
2 0 1 .2 2 9 .7 7 .2 5
Votes: +1

...
Tremendo initiatie, spera e logra asap.

http://www.24ora.com/politica-mainmenu-18/90844-dangui-oduber-e-ley-cu-lo-haci-gastonan-di-
estudio-aftrekbaar-pa-belasting-lo-benificia-hopi-studiante