Page 30 - MIN TTC MARCH 22,2016

18 AWEMainta Diamars, 22 Maart 2016

MEP ta gradici pueblo di Aruba!

Mas di 8000
persona a bishita
actividadnan di MEP
pa Himno y Bandera

TRAFICO a keda pega henter dia den Santa Cruz cu e dos actividadnan

mas grandi riba Aruba: na crusada na Santa Cruz y na Cede di MEP.

Desde oranan di mainta pa atardi miles y miles di persona a acudi na e
celebracion. Tabatin baile tipico masha bunita di Gucci Dancers, Rosea
Cultural, Kids-2-Kids, Danza Aruba, NLT & NGT y Candy Dancers cu a
hala hopi atencion, specialmente p’e trahenan colorido y hopi bunita.
Tabatin presentacion di e ganadora di Festival Un Canto na nos Himno
y Bandera, esta Jaydienne Croes.

E bandanan cu a presenta ta Zeta Band, Mistical Connection, Rincon
Boys, Tsunami y Buleria, y mester remarca cu pa final di e anochi no
tabatin luga pa pone mas hende rib’e caminda dilanti di Cede di MEP.

E Expo-Betico Croes tambe a haya bishita di miles di persona, cu a keda
masha impresiona. Hopi tabata feliz di mira un potret di nan sernan
keri den e Expo.Otronan por a lesa y mira e historia real di e lucha di
Betico. Su acordeon y helm original, cu a scapa di e accidente cruel,
tambe tabata na e Expo.

Pa e muchanan tabatin un kids corner pa nan entretene nan mes, y
tambe un game-room cu airco, den cual nan por a hunga varios wega y
pasa oranan agradabel.

Personanan cu nunca a yega na Cede di MEP, a yega pa prome biaha y
a gusta e ambiente, y a haya cu e luga ta nechi y agradabel. Hopi hoben
tambe tabata presente y a gusta e vibe.Naturalmente hopi hende a bin
tambe pa expresa nan disgusto cu e Gobierno actual y ta pidi p’e cambio.
Tur hende por a celebra y gosa di e dia grandi aki.

MEP sigur por ta orguyoso di e actividad mas grandi riba 18 di maart
di Aruba y a sa di brinda un tremendo celebracion di dia di Himno y
Bandera. Pabien MEP! Masha danki, Aruba!