Page 8 - MIN TTC MARCH 22,2016

Gerald Vingal Awor cu a elimina visa pa Colombiano y Peruanonan e control na aeropuerto lo bira mas
estricto
Monday, 21 March 2016 20:46
Comparti

E sistema di garantia no tabata funciona 100% segun director di Imigracion, Gerald Vingal, pasobra na e
Departamento di DWJZ tabata falta di capacidad y te ainda no tin claridad. Tabata un decision cu nan a tuma cu nan
a pone na DWJZ, pero cu no tabata tin reglanan cla con ta bay om cu e producto aki y segun Vingal,
mester tin tiki experiencia como oficial di imigracion pa sa precies por ehempel pa un investigacion riba un
garantstellingsformulier mester tin un radex cu por check tambe si e persona cu ta bay drenta, con su comportacion
tabata den pasado. Si e no a viola, etc. Vingal tin hende cu e ta preparando, cu ta hendenan cu eigenlijk ta mas
tanto haciendo tareanan administrativo of hendenan cu door di malesa, nan no por traha den e circumstancianan
normal como ambtenaar, e ora ta wordo hinca pa traha cu e parti di papel di garantia. Pa e persona cu busca e
papel di garantia tin un costo cual ta 12,50. Ta busca 2,50 di leges na postkantoor, despues bay DWJZ caminda ta
yena y firma cu ta haya e stampianan riba dje, ta costa 10 florin. Vingal a comenta cu ta pensando riba un termino,
pasobra naturalmente awor aki tin hende pa yega DWJZ y al instante ta yena e papel y ta haya su formulario, pero
tin cu papia ainda cuanto dia prome. Kier haci'e via email, cu ta haci e aplicacion electronico, cu por control'e y e
ora e ta goedgekeurd, e ora ta cana bay na e localidad di imigracion y ta paga pa e papel di garantia. Esaki por calma
tambe e entrada. En todo caso e ta bay stroba e hendenan cu ta haci mal uzo di e formulario cu tin sospecho riba
dje. Ta moeilijk pa scrutinia e formulario y si wak algo straño riba dje, ta tuma accion di biaha, pero toch no por
controla al instante si e persona cu a caba di yega conoce e persona cu para garantia pe. Si tabata tin mas tempo
por a yama puntra e persona si a para garantia, con a conoce, etc. Esaki ta bay tuma den un preclearance. In pre
investigacion y e ora ta dicidi si e persona en cuestion ta para garantia pa e x persona cu ta pasa keda cerca dje. For
di December pa awor aki, e overstay ta mustra mas of menos 160, contando for di comienso di December te cu
Februari cu a overstay. E otro pasahero cu ta bin for di otro pais, tambe tin atencion riba nan. Vingal a splica cu
Colombia toch ta val mee di loke ta spera di bira problematico, pasobra desde 3 di December, no tin visa mas, dus
no tin un visum verplichting pa Colombianonan. Loke ta wak ta cu vuelonan Colombiano awor aki ta manda ningun
hende bek, pero desde cu e visa no ta un exigencia mas pa aerolinea ta bira mas dificil pa controla si e pasahero por
drenta Aruba si of no. Awor aki cu Avianca por wak cu pa vuelonan 1 pa 3 hende ta manda bek y no tur dia
tampoco, pero si esey ta un cambio cu ta ripara cu temo cu prome cu nan tabata tin mester di e visa pasobra e ora
por bisa cu berdad ta mas facil pa controla visa den un paspoort. Recientemente desde 14 di Maart e visa pa Peru a
wordo opgeheven, dus nan no mester di visa mas pa drenta Aruba y e consecuencianan ta cu lo tin un control.
Peruano y Colombiano tambe lo bay pasa mas un control mas estricto, compara cu otro nacionalidad. Esey lo tuma
un temporada pa por assess e situacion con nan ta biaha, pero loke ta wak di e comportacion di e Colombianonan,
no ta wak gran parti lo bay manda bek, etc. Loke tambe no a wak ta cu nan a aumenta vuelonan tampoco di
Colombia. E mesun cantidad di avionnan a keda despues cu a elimina e visa. Te ainda e Venezolanonan ta esun cu
tin mas fluho den aeropuerto y mas vuelo pa dia. Tin un total di 7 vuelo pa dia for di Venezuela, Fingal a splica.

http://www.24ora.com/local-mainmenu-5/106700-gerald-vingal-awor-cu-a-elimina-visa-pa-
colombiano-y-peruanonan-e-control-na-aeropuerto-lo-bira-mas-estricto