Page 9 - MIN TTC MARCH 22,2016

Gerald Vingal Fluho di pasahero ta bayendo bon na
aeropuerto

Monday, 21 March 2016 20:46
Comparti

E fluho di pasahero ta bayendo bon desde cu a amplia e gatenan tanto na e parti Mericano y e parti internacional,
segun Gerald Vingal, director di Imigracion. Pa e banda ey no tin ningun hende. Claro e personanan bonna fide, ta
laga haci uzo di e gatenan aki y e hendenan cu tin riskflights, ta percura pa nan pa nan bay na e boothnan manual.

Den e dianan aki tabata dia hopi druk, pero e gatenan ta procesa e rijnan hopi lihe. Vingal ta bisa cu aña pasa no a
conoce un low season. Vingal tin dos aña ma cabes di Imigracion y por a mira cu un rato tabata tin low season na
2014, pero no por bisa cu den 2015 tabata tin un low season. Awor aki aeropuerto ta full prepara pa semana santa
caminda cu tin extra personal na e parti di aeropuerto priva. Ta haya masha hopi avion priva for di Venezuela y
dimes Venezolanonan ta popular pa bin pasa nan vakantie na Aruba pa e dianan di Semana Santa. Awor aki e
paspoort mester tin un chip y biometria aden cu e mashin por lesa. Tin hende ta kere cu e mashinnan aki no ta
conecta cu sistema di Radex of cu e sistema na aeropuerto. E no ta incorpora aden pero tin un interface. Si un hende
bay sali di Aruba y tin un alerta riba dje den Radex, e momento cu e buta e paspoort den e scanner di e gate na e
balie mas cerca, ta sali un nota cu tin cu yama polis of belasting no por sali for di Aruba. E tin un interface cu e
sistema, mescos cu na arrival tambe, ora un hende buta su paspoort, si e ta wordo busca pa husticia of si e hende aki
no mag di drenta Aruba pasobra su pasado ta bin dilanti cu e no por drenta Aruba. Tin un interface cu no ta
incorpora den e sistema pasobra no mag. E netwerk di Radex ta uno sigur, pasobra ta un netwerk cu tin filenan di
persona y ta di gobierno. Nunca por meskl'e cu un otro netwerk. Ta djis cu tin un interface cu Radex. Director di
aeropuerto, James Fazio a yuda departamento hopi, door di inverti den e gatenan y tambe e ta conciente cu e parti
mey mey cu ta wordo yama e Security Point Alpha, ta wordo amplia. E tabata 2 te cu aña pasa y el a wordo amplia
pa 3. Segun Vingal, Fazio tin intencion pa bay amplio mas hopi awo cu tin e gatenan na salida internacional y salida
Mericano cu e toestroom di hende pa e Alpha, e security point eynan, ta bira mas grandi. Riba corto Plazo,
aeropuerto tin un solucion pa esaki pero si ta traha hopi bon pa e embahadornan, cu ta deal cu fluho, cu ta deal pa
tin bon coordinacion pa e fluho bay bon, ta hopi bon. Tin bon cooperacion cu nan y riba dianan druk tin un briefing
cu aeropuerto caminda cu tin un hende, supervisor di imigracion cu tambe ta bin hunto cu aerolineanan, pa papia
full e dia pa mira cuanto hende tin disponibel, pa por soluciona bottlenecks y cosnan cu por stroba e flow na tempo,
segun Vingal.

http://www.24ora.com/local-mainmenu-5/106701-gerald-vingal-fluho-di-pasahero-ta-bayendo-bon-na-
aeropuerto