Page 12 - AWEMAINTA
P. 12
12 AWEMainta Diabierna, 7 Februari 2020
Sarah van der Steen ta impacta na Bolivia
Diasabra awor t’e gran final di Reina Hispano Americana
NOS representante pa Reina Hispano Americana Sarah van der Steen
ya caba tin un siman na Bolivia y ta haciendo un tremendo papel eynan,
representando nos dushi isla di Aruba.
Un total di 29 pais ta reuni na Bolivia unda cu Promociones Gloria ta or-
ganisando e evento aki y tin e candidatanan basta ocupa durante varios
dia cu diferente tours y tambe compromisonan cu nan sponsornan pa cu e
evento.
Sarah a biaha masha bon prepara y ascesora pa su Director Nacional
sr. Endy Croes y un team di expertonan cu a yude cu pasarela, oratoria,
proyeccion y hopi otro aspecto mas p’asina e destaca na Bolivia.
Sarah ta un hoben bon prepara y ya tin experencia mirando cu na 2018
a competi den e concurso Miss Teen Aruba International unda el a keda
st
como 1 Runner Up y di eynan caba su preparacion a sigui p’e ta te na
unda e ta actualmente.
Mester menciona cu Sarah a biaha cu su querida Mama y tambe a ser
acompaña pa su director, coach, make up artist y diseñador sr. Endy Croes
Sarah mes ta masha contento di con cosnan ta canando aya na Bolivia
y ta gradici Aruba p’e sosten ricibi y ta invita tur hende pa ta pendiente
pa diasabra dia 8 di february cu t’e dia final di e concurso Reina Hispano
America
Di otro banda Endy Croes a indica cu tin hopi competencia, pero ta sigur
den e potencial di Sarah y mas ainda ora e mira e reaccion di e hendenan
na Bolivia pa cu Sarah su participacion.
Sarah ta un dama cu ta scucha tur conseho y ta aplicanan y tambe ta un
persona masha simpatica y determina y esey ta su yabi mas fuerte.
Endy ta pidi tur hende pa ban apoya nos candidata dor di subi e pagina
oficial di Reina Hispano Americana riba Facebook y pone un comment y
un like na cada potret di nos representante paso after all ta ARUBA e ta
representa.
Nos ta desea Sarah tur clase di exito y ta pendiente pa diasabra e eleccion
di Reina Hispano Americana 2020.
