Page 29 - tmp_Neat
P. 29
18 AWEMainta Dialuna, 2 October 2017
Maske cu dia 15 di october awor ta Dia di Garoti
FAVI for di awe kier yuda cu conscientisacion
pa tene cuenta cu esnan di bista limita
TABATA diabierne ultimo, banda di Universidad di Aruba, nos
a tuma nota di un grupo di persona, cu tin bista limita, kendenan
ta forma parti di FAVI.
Aki Sally Wernet, terapista di revalidacion di FAVI, kende a splica
cu diabierne mainta nan a sali cu e muchanan cu bista limita pa
conscientisa automoblista kico pa haci, ora nan mira hendenan cu
e garoti blanco cu cora pa tene cuenta cu e hendenan aki.
Maske cu dia 15 awor, ta Dia di Garoti, pero for di awor mester
yuda conscientisa e automobilistanan, kico nifica ora nan mira e
personanan cu tin dicho garoti. Pero tambe e muchanan mester
siña con ta usa e garoti aki na un forma apropia.
A bolbe usa Universidad di Aruba, pasobra aki tin un zebrapad, y
ta bon pa yuda den conscientisacion.
Segun Sally Wernet a cuminsa prome cu e muchanan, pero den
e dianan benidero lo tin mas actividad pa yuda mas cu e consci-
entisacion. Manera menciona riba e dia mes, lo sali cu esnan mas
grandi. Pues e luna aki, ta un luna na conscientisacion. Y maske
tur aña ta ripiti e uso di garoti, ainda tin hopi hende no conoce
esaki, maske e no ta ley ainda.
