Page 11 - HOH

Ta importante pa evita solo ora cu esaki ta na su punto mas halto, cual ta entre 10’or
di mainta y 4’or di atardi. Si ta bay lama y sigur si ta bay cu mucha, cu nan cuero ta
mas sensibel, mester bay prome cu 10’or di mainta of despues di 4’or di atardi. Asina
mes mester proteha e cuero cu un crema cu protector solar cu tin un factor SPF riba
30. Tambe, si bay lama, bo ta bisa cu lo bay den e oranan mas cayente, sinta bao di
un parasol. Tambe mester watchout, pasobra e santo blanco di nos beachnan, ta
refleha e solo. E solo ta kaats y bin bek. E solo ta dal riba e santo blanco di e beach y
ta straal bin ariba bek y asina toch por haci daño.

MUCHANAN

Tambe e muchanan cu ta pone den sombra, mester uza un protector solar, cual ta hopi
importante. Awendia tambe nos ta mira trahenan di baño cu tin manga largo. Eseynan
ta recomendabel pa uza e ora. Mester hunta e mannan, e oreanan y e nanishi hopi bon.

Si wak e cancer basalion, ta un tipo di cancer cu bo ta wak’e hopi biaha riba e nanishi,
na e orea, na e mannan, unda cu e curpa ta ricibi mas di e rayonan di solo. Con bo por
reconoce? E ta un tumor cu ta cuminsa manera un puishi y a lo largo e ta haya un
deuk mey mey. E parti pafo ta manera un crater di un volcan. E parti pafo ta manera
briya un tiki. Esey ta un manera pa reconoce e cancer. No keda warda si bo ta wak un
desaroyo asina riba bo cuero.

E cancer aki no ta un cancer cu ta plama, pero e ta crece den profundidad. Bo por
imagina si e crece riba e nanishi, of bo orea. E ta destrui e kraakbeen, of e ta destrui e
weso. Pa sak’e ta mas dificil. E ora ey hopi biaha ta bin un problema cosmetico.
Vooral si ta nanishi tambe. Hopi biaha e no ta keda nechi. Ta importante pa bay na
tempo y despues cu e wordo trata, e por wordo opera of cu criocirurgie. Hasta mester
bestraal esaki den cierto casonan. E ora tin cu keda control’e pa cinco aña, pa asina
wak si e no ta bin bek den vecindario. Tin biaha nan ta bin riba mas luga.