Page 12 - UNOCA 26 FEB 2016

UNOCA lo mester actua segun criterionan cu ta cay bou Good
Corporate Governance

Tuesday, 23 February 2016 18:05
Comparti

Diamars Minister Otmar Oduber a reuni cu directiva di UNOCA durante cual a repasa e fase
transitorio di UNOCA y a stipula algun punto pa futuro, mientras cu UNOCA a duna un relato na
e mandatario di e trabounan cu a wordo haci.
Directiva di UNOCA ta consisti di abogado, experto den sector financiero y personanan cu ta
traha den sector cultural.
Puntonan importante cu a trata durante e reunion ta entre otro pa bin cu un documento unda lo
oficializa e relacion entre Minister/Gobierno y UNOCA como fundacion pa asina por tin un mayor
claridad den e relacion aki. E documento lo mester bin den corto tempo.
Un punto hopi importante cu a atende cune ta tambe cu e forma di proceder di UNOCA lo ta a
base di e criterionan cu ta cay bou di ‘Good Corporate Governance’. E punto aki tabata di sumo
importancia pa Minister Oduber y directiva di UNOCA a compronde esaki totalmente.
Otro temanan cu a atende durante e reunion ta transparencia financiero, transparencia den
manho y proactividad y educacion di e campo cultural.
Minister Oduber a indica cu UNOCA tey no solamente pa sostene artistanan, pero tambe pa
contribui na bienestar di Aruba pa medio di desaroyo cultural y esaki tabata e enfasis durante e
reunion.
Mester bisa cu e reunion a bay den un bon ambiente y a probecha esaki pa cera conoci cu e
miembronan nobo di e directiva di UNOCA.