Page 40 - AWEMAINTA

40
Maestro di fiyo di Aruba Symphony Festival,
Jesús David Medina, a gana su di dos Grammy
Skirbi pa Clyde Harms
AWEMainta Diabierna, 9 Maart 2018
Farandula ta papia
ESNAN cu a asisti e conciertonan di Aruba Symphony
Festival ta reconoce Jesus David Medina. Jesús ta duna
les di fiyo na e festival y ta toca den e orkesta sinfonico.
E ta e man drechi di Simon Gollo, e director di e Festival.
Caminda cu tin mester di algo wordo haci, Jesús David tey.
Jesús David ta un gran musico cu ta bin di un famia di
musico. Ken por lubida su actuacion abordo di Free-
winds hunto cu Maria Gabriela Rodriguez y German
Marcano dia cu el a mustra su dexteridad tocando has-
ta 7 instrument uno tras di otro. Tambe nos ta corda
Jesús David como e violinista di e grupo di e Festival cu
a haci e Flash Mob na Superfood.
Jesús David, un Tachirense di nacimento y criansa, ta
areglista tambe. Pa e disco “Arriba Abajo” di e composi-
tor Colombiano Andres Salguero cu a gana e Grammy
di 2016 como e miho disco di musica infantile, Jesús
David a haci e areglo pa e seccion di cuerda. El a wordo
toca pa “Venezuelan Strings Recording Ensemble” cu
ta un sexteto di cuerda cu Jesús mes ta dirigi tambe. Pa
nan participacion, nan tambe a ricibi un Grammy.
Un poco tempo despues, e artista Argentino Fernan-
do Otero kier a graba “Sólo Buenos Aires” un disco
di tango. Aunke e ta biba na New York, el a contrata
“Venezuelan Strings Recording Ensemble” pa haci e
parti di cuerda. E disco a wordo nombra e miho disco
di tango di 2017 y Jesús David y e otro miembronan
di e sexteto a gana di dos Grammy den dos aña con-
secutivo. E gobernacion di e estado Tachira tambe a
reconoce e logronan di e grupo y a condecora tur seis
den e Orden de las Artes Culturales “Marco Antonio
Rivera Useche”.
Nos ta felicita Jesús David Medina cu su logronan y
nos ta spera di mir’e na e Aruba Symphony Festival e
aña aki atrobe.