Page 16 - HOH
P. 16
ORANJESTAD (AAN) — E ansha economico
grandi di mundo na 2019 tabata cu Merca y China no tabata logra yega na un acuerdo
comercial. 2019 a cera cu e panico di rapportnan cu a revela e progreso di tecnologia
cu lo a dicidi pa e futuro cercano di mundo y den cual na 2025 China lo a haya mando.
Un dinastia mundial nobo tabata den desaroyo na tur continente cu placa di un
poblacion creciente Chines cu problemanan social grandi cu mundo no tabata mira.
Di tur pais comunista, China tabata parce di tabata mas exitoso pa e forma cu e tabata
mara paisnan riba tereno financiero cu placa cu tabata sostene su regimen y e asina
yama “clase medio”, cu a bira e grupo di turista cu henter mundo kier pa e forma cu
nan ta gasta placa.
Africa a mira un explosion di inversion di China, cu tabata duna preferencia na
companianan mixto den cual sinembargo el a consolida su poder.
China a bira conoci pa e forma cu e tabata hinca placa den proyectonan na paisnan
rond mundo, cu lo a haya nan mes den problema financiero, y asina mester a entrega
na China entre otro nan haf y instalacionnan.
Un total di 70 pais rond mundo na 2013 tabata conoce inversion Chines cu tabata e
arma di China pa haya poder.
Silk Road Economic Belt y 21st Century Maritime Silk Road tabata uno di e proyectonan
gigantesco di China, cu despues a cambia di nomber, China’s New Silk Road Project,
pero mester a wordo conclui na 2049 pa celebra 100 aña China Comunista.
Paisnan di G-7 a critica Europea den e proyecto cu tabata tin mas cu 48 ciudad Chines y
42 destinacion Europeo
Dia 26 di augustus e prome trein for di Alemania a yega China na e ciudad di Wuhan,
awe e ciudad isola for di mundo dor di e coronavirus nobo.