Page 17 - HOH

China y Luxemburg a seya nan acuerdonan comercial special na 2019 y hasta a crea un
Camara di Comercio comun.

Italia a sigui, mientras gruponan di interes Chines a plama den region di Caribe y Latino

America pa ofrece nan placa como inversion na comercio local.

China a duna un transformacion comunista na poder di placa y tabata tene su mes na
adelanto tecnico pa creacion di instrumentonan pa domina hende den un orden mundial

nobo.

Na final di 2019, DIARIO a presenta na Aruba relatonan riba e adelanto tecnologico. Un
rapport mundial a bati alarma pa e poder cu tecnologia tabata duna China cu tabata tin

banconan di informacion cu tabata haci China capaz pa domina hende y bira e poder
mundial nobo na 2025.

Parti di e sistema cu e informacion ta permiti pa wordo aplica, a wordo uza na

Venezuela pa e regimen Venezolano por a controla e ciudadanonan Venezolano.

Pobreza grandi tabata reina cerca e mayoria grandi di e pueblo Chines cu tabata busca
nan cuminda den situacionnan peligroso.

Tin informacion cu studiantenan medico a mira e Coronavirus desaroya na China pero a
wordo deteni ora nan a atende e asunto riba e medio social di China.

Awe economia di mundo ta cay den un incertidumbre total.

Apple Phone a cay cu dies porciento. Demanda petroleo a cay cu 20 porciento.
Economia di China ya a cay cu 21 porciento.

China ta wordo isola en espera di un futuro den cual coronavirus awor tin control.

Como parti di economia mundial y dependiente di desaroyo internacional, Aruba mester

sigui e situacion mundial nobo cu a marca inicio di 2020.

https://www.diario.aw/2020/02/coronavirus-a-ataca-china-como-poder-mundial/