Page 42 - AWEMAINTA
P. 42
42 AWEMainta Diabierna, 22 December 2017
Internacional
Merca a presenta proyecto di resolucion pa reforsa
mas ainda e sancionnan di ONU contra Noord Korea
MERCA a presenta diahuebs un proyecto di resolucion destina
pa reforsa e sancionnan di ONU contra Noord Korea, y ta spera
cu esaki bay den votacion awe diabierna den e Conseho di Seguri-
dad, segun diplomaticonan a indica.
E texto ta busca prohibi e exportacion pa Noord Korea di rond di
90% di e productonan deriva di petroli y ordena e repatriacion na
nan pais di tur e ciudadanonan di Noord Korea cu ta trahandoe
den extranheria den e proximo 12 lunanan, segun e proyecto di
resolucion na cual AFP tabatin acceso.
E diplomaticonan a señala diaranson cu merca y China ta discu-
tiendo sancionnan nobo contra Pyongyang, for di ora cu esaki a
realisa su ultimo lansamento di un misil balistico intercontinental
(ICBM), dia 29 di november ultimo.
E misil a alcansa e dia ey, segun Pyongyang, un altitud di 4.475 ki-
lometer y a impact 950 kilometros oost di e lugar di lansamento.
