Page 34 - AHATA
P. 34
Recientemente Dr. Robertico Croes, Associate Dean na UCF Rosen College of
Hospitality Management y e editora dr. Michelle McLeod, Director Interino di e
programa di e Centro di Administracion di Hotelero y Turistico di e Universidad di West
Indies (UWI), Nassau, Bahamas, a presenta nan buki nobo na e Conferencia di Mona
School of Business Management na Jamaica. E buki ta titula: “Tourism Management in
Warm-water Tourism Destinations”.
E buki, basa riba e detaye di numeroso proyecto di investigacion conduci pa dr. Tico
Croes, ta enfoca riba e desafionan di maneho turistico durante henter aña na e islanan di
Caribe, Mediteraneo, Oceano Indico y Pacifico. “Tourism Management in Warm-water
Tourism Destinations,” ta e di cuater buki di dr. Tico Croes. E ta disponibel riba Amazon
y otro websitenan y ta un gran adkisicion na e curiculo turistico.
E buki aki ta proporciona un plataforma pa e perspectivanan sistematico emergente di e
varios aspectonan di turismo isleño, cu e vision cu e strategianan pa maneho y desaroyo
di turismo den ambientenan di isla cu por mehora y lo ta di interes pa esunnan cu ta
studia y investiga “destination management”.
