Page 49 - MIN.TTC 17FEB,2016
P. 49
30 AWEMainta Diaranson, 17 Februari 2016
Den e prome Seso Sport na Club Universal SALA GRANDI tabata completamente yen diasabra anochi na
“Pensa Malo Pasa Club Universal cu fanaticonan di Seso Sport. Esaki tabata e prome
Bon” di WEB a bira e edicion di Seso Sport, organisa den cuadro di celebracion Dia di
gran campeon Amor y Amistad, dor di e directiva di Club Universal.
Un total di 16 ekipo a inscribi e anochi aki y lamentablemente dor
di falta di espacio no por a tuma mas ekipo.
Gruponan participante tabata den su mayoria habitantenan di e
bario of tin conexion cu e bario di Pos Chikito, Sabana Basora y
bisindario, y tabata hopi contento cu por tin actividad atrobe cu
nan por participa den dje.
E anochi yen di pregunta di diferente indole tabata den man di
Yolanda Croes y Myriam Tonk Croes. Animacion tabata den man
di DJ Stanley Richardson.
Despues di dos ora di pregunta y demostracion di con bon memoria
di e participantenan tabata, e ganador a resulta e grupo di WEB
“Pensa Malo Pasa Bon”.
Na di dos luga tabata “Power Puff Girls”, cual tabata e prome grupo
cu a inscribi pa Seso Sport di Club Universal. Y na di dos tres luga
tabatin un dobbel empate cu mester a wordo kibra cu tres pregunta.
Na final, tabata e grupo di Marielle Semeleer, “Minions”. Cada un
di e gruponan aki a ricibi nan premio for di man di Presidente di
SV Universal, Maritza Maduro.
Directiva kier gradici na prome luga e participantenan cu a haci
e anochi aki un exito, pero tambe e boluntarionan hoben cu a
contribui y ciudadanonan di e bario cu un biaha mas a coopera cu
donacion pa tanto bar como cushina.
Resultado di e dos prome eventonan aki, Dia di Betico y e Seso
Sport, ta mustra e apoyo cu e bario tin pa actividadnan cu ta wordo
teni den e club y ta yena e directiva cu entusiasmo pa sigui traha
pa lanta e ekipo di futbol y otro ramonan deportivo y trece mas
bida den e club.
Na mesun momento kier recorda tur hende cu e proximo evento lo
ta riba Dia di Himno y Bandera, 18 di maart. E lo ta un dia cultura,
yen di ambiente musical, weganan popular y futbol y cuminda
crioyo. Esnan interesa pa participa den mercado di purga, por
manda nan peticion via svuniversalaruba@gmail.com.
Esnan interesa pa bira miembro of participa den un di e ramonan
deportivo, sea adulto of mucha, por manda esaki tambe via e mesun
email. Tambe habitantenan interesa pa participa den les di Zumba
por cuminsa inscribi via nos email adres. Asina cu sa e cantidad
di personanan ta fiha e dianan di siman cu ta bay ta practicando
Zumba cu un instructora conoci den e ramo aki.
