Page 120 - MIN JUS

Na e sitio a haña informashon ku e hòmber agresivo aki ta un pashènt di PAAZ,
i di mesora e pregunta, kon ta posibel a lag’é bai kas. E otro kolega, pa defendé
e polis víktima no a ked’é otro di saka su arma reglamentario i a lòs dos bala,

ku tabata fatal p’e hòmber agresivo, kende no tabata rasoná mas.

Despues di esaki e agente polisial a solisitá refuerso urgente i asina mas
patruya a bai n’e sitio i a sera tur kaminda ku tabata kondusí na Boegoeroei 50.

Dos ambulans tambe a presentá, unda e paramédikonan a bisa di no por hasi
nada mas p’e víktima i pa avisá un dòkter pa konstatá morto.

E otro polis ku a ser malamente batí ku un blòki den su kabes a haña asistensia
di e paramédikonan di ambulans, pa ser transportá urgente pa Hospital den un

situashon masha kritiko.

Mientrastantu dòkter Tromp a presentá n’e sitio i a konstatá morto di e
víktima/agresor. Un ratu despues ku e polis heridá a yega hospital, no a keda

otro pa avisá e demas outoridatnan ku e polis a fayesé.

Ta trata aki di Tino Ruiz, kende ta úniko yu di e konosido músiko Tino Ruiz di
Noord. E agresor ta Ericho Jimmy Tjong Kon Sang, nasé na Sürnam dia 26
òktober 1976 (32 aña) i bibá na Boegoeroei 50.

Mester bisa ku t’e asina leu Ruiz ta bira e promé agente polisial ku ta muri,

hasiendo su trabou. Manera nan ta bisa na Ingles: “Die in the line of duty”.

Rueda prensa mando polisial i minister di hustisia Arthur Dowers

Ayera nochi Kuerpo Polisial di Aruba bou di mando di Alto komisario sr. Dolfi
Richardson den kompania di minister di hustisia Arthur Dowers a tene un rueda
di prensa relashoná ku e kaso lamentabel aki.

Sr. Richardson a bisa ku ora polisnan bai un asistensia nunka nan sa kiko nan ta

bai topa, i esaki tabata e kaso ayera. E investigashon ta tumando lugá debí na e