Page 122 - MIN JUS
P. 122
A FIRMA LETTER OF
INTENT PA INCORPORA
CARIBBEAN SECURITY
INSTITUTE
July 4, 2017
ORANJESTAD.- Na 2014 Parlamentario mr. Andin Bikker hunto cu un delegacion
di Parlamento a asisti na un curso di seguridad den turismo na Merca. Asina a
sera conoci cu dr. Peter Tarlow, kende ta un experto mundialmente renombra
riba seguridad den e industria di turismo y durante eventonan internacional.
Tarlow ta autor di bukinan manera “Tourism Security: Strategies for Effective
Managing Travel Risk and Safety” y “Event Risk Management and Safety”. Na
varios ocasion dr. Peter Tarlow a bin Aruba y e tin un gran aprecio pa nos isla y
su habitantenan.
P’e motibo aki mes e kier duna di su parti pa yuda Aruba referente e tematica di
seguridad di turista y prevencion y combatimento di criminalidad en general.
Durante di su bishitanan na islanan den Caribe dr. Tarlow a constata cu tin un
necesidad pa introduci un academia pa por profundisa na un manera scientifico
y structura riba e tematica, mirando e diferente retonan cu areanan den Caribe
y rond mundo cu ta depende grandemente di turismo ta pasando dor di dje.
