Page 34 - MIN JUS

Lo adapta varios ley actual pa duna Polisnan
mas poder pa evita molester innecesario

- Advertisement -

Minister di Husticia, mr. drs. Arthur Dowers a propone cambio di ley na Parlamento

ORANJESTAD (AAN): Minister di Husticia, mr. drs. Arthur Dowers a propone pa bin cu e
ley di combati molester (bestrijding overlast). Ta trata aki di un ley unda ta crea varios
poder pa combati molester, manera esunnan crea door di gang, adicto y bendedonan di
droga. E ta duna mas instrumento pa por mantene ordo publico y siguridad na un
forma hopi mas eficiente.

E instrumento di nos leynan penal ta complica y hopi biaha ta tuma hopi tempo pa por
actua den algun caso specifico. Den e ley aki ta crea podernan administrativo unda
Minister por tuma medidanan, por ehempel casnan cu ta causa hopi molester, cu por
ehempel tin bendemento di droga den cantidad chikito, unda e instrumento penal no
tur ora ta duna e resultado desea como cu e cantidad di droga ta tiki, unda caso no por
duna castigo of sigur no castigo halto. Cu e ley aki, awo lo bay tin poder pa por
ehempel laga cera e cas pa un periodo y si tin mester permanente.

E ley aki ta crea e posibilidad pa anuncia areanan di risico pa siguridad, cual ta areanan
cu ta conoci na unda tin hopi molester di gangnan, desordo, hortamento, vandalismo
etc. y lo crea mas poder pa por controla. Lo bay bin cu e “gebiedsverbod” unda por
prohibi personanan cu a comete cierto delitonan pa bay den un cierto area pa no causa
problema eynan mas.