Page 38 - MIN JUS

Minister Di Husticia, Mr. Drs. Arthur Dowers A
Propone Cambio Di Ley Na Parlamento –Cambionan
Den Ley Ta Pa Garantisa Mas Siguridad

 Politica
- 04/07/2017

Minister di Husticia, mr. drs. Arthur Dowers a propone pa bin cu e ley di combati
molester (bestrijding overlast). Ta trata aki di un ley unda ta crea varios poder pa combati
molester, manera esunnan crea dor di gang, adicto y bendedonan di droga. E ta duna mas
instrumento pa por mantene ordo publico y siguridad na un forma hopi mas eficiente.

E instrumento di nos leynan penal ta complica y hopi biaha ta tuma hopi tempo pa por
actua den algun caso specifico. Den e ley aki ta crea podernan administrativo unda
Minister por tuma medidanan, p. e. casnan cu ta causa hopi molester, cu p. e. tin
bendemento di droga den cantidad chikito, unda e instrumento penal no tur ora ta duna e
resultado desea como cu e cantidad di droga ta tiki, unda caso no por duna castigo of
sigur no castigo halto. Cu e ley aki, awo lo bay tin poder pa p. e. laga cera e cas pa un
periodo y si tin mester permanente.E ley aki ta crea e posibilidad pa anuncia areanan di
risico pa siguridad, cual ta areanan cu ta conoci na unda tin hopi molester di gangnan,
desordo, hortamento, vandalismo, etc. y lo crea mas poder pa por controla. Lo bay bin cu
e “gebiedsverbod” unda por prohibi personanan cu a comete cierto delitonan pa bay den
un cierto area pa no causa problema eynan mas.Tambe ta crea mas poder pa actua den
caso cu tin eventonan grandi y unda ta stroba orden publico, creando molester pa p. e.
bisiñanan eybanda. Tambe a constata cu muchanan jong, hasta bou di 12 aña, cu ta riba
caya te laat sin supervision di mayor, sa crea molester p’e bisindario.Lo bay bin cu
instrumentonan pa por actua, unda mayornan por haya un orden pa nan yiu, cu mester ta
bou di supervision di mayor.E ley aki ta un di varios leynan cu Minister Arthur Dowers a
bin cu ne pa por sigui combati criminalidad y pa garantisa siguridad na Aruba. Por pensa
tambe riba cambio di e “Politieverordening”, introduciendo e “cameratoezicht” na Aruba
y e cambio haci den “Landsverordening verdovende middelen” creando mas posibilidad
pa controla personanan den forma preventivo tambe riba posicion di droga.Den e cambio
di “Vuurwapenverordening” a crea mas posibilidad pa controla den forma preventivo riba
posesion di arma.E leynan aki, cu ta ehempel di djis algun di nan, a resulta masha
exitoso. A base di tur e posibilidad aki a confisca hopi droga y hopi arma cu antes lo no
por a confisca, si no ta pa e cambionan cu Minister Dowers a implementa.