Page 42 - MIN JUS

Por uza rijbewijs pa vota, pero mester check
si e datonan riba dje ta corecto

- Advertisement -Tin mas di 1.500 rijbewijs di despues di 2015 cu fout riba nanORANJESTAD
(AAN): Recientemente a cuminsa un discusion riba si por uza bo rijbewijs como
identificacion pa vota den eleccion di 2017 y awor Conseho Electoral a saca un

comunicado pa trece aclaracion.E comunicado ta indica cu un rijbewijs semper por
wordo uza pa legitima bo mes, pero den caso di e rijbewijsnan duna na 2015 y

despues, tin un problema.E problema ta cu e sistema di duna rijbewijs no tabata full
acopla na e datonan di Censo.Normalmente ta asina cu automaticamente e datonan
corecto di Censo ta pasa pa e departamento cu ta traha y saca e rijbewijsnan, pa asina

no tin error den e informacion.Den e caso di e rijbewijsnan di 2015 bay ariba, a
constata cu cierto errornan a tuma lugar, unda cu tin entre otro cierto foutnan den
nomber.Investigacion preliminar riba esaki a mustra cu di e 30.000 rijbewijsnan cu a
wordo duna den e periodo di Juni 2016 cu November 2016, tin 1.500 rijbewijs cu ta
contene datonan cu no ta cuadra cu e datonan cu tin den registro civil di Censo.Den 8
di cada 10 di e 1.500 ey, ta trata di hendenan cu derecho di voto, di cual nan nomber a
wordo skirbi robez, of nan fecha natal ta fout.Ora cu e lista di esnan cu derecho di voto
wordo manda pa tur e urnanan electoral, e datonan di nomber, adres y fecha natal ta

datonan cu ta bin di registro civil.Si e datonan no ta cuadra cu locual tin riba bo
rijbewijs, bo no por uza e rijbewijs e ora ey ora cu bo bay vota.Pesey Conseho Electoral
ta conseha tur hende cu kier uza nan rijbewijs pa legitima nan mes ora di bay vota, pa
check prome si tur e datonan ta corecto.Conseho Electoral ta conseha tur hende tambe
cu tin derecho di voto pero no tin ningun tipo di identificacion, pa nan hasi un peticion
pa un ID of paspoort.Esaki ta importante, mirando cu di e alrededor di 71.000 persona
cu derecho di voto, ta 60.000 tin un ID of paspoort valido pa proximo eleccion.Esaki ta
nifica cu 10.000 mester purba busca un ID of paspoort, si nan no tin un rijbewijs cu tur

dato corecto riba dje.