Page 94 - MIN JUS

Departamento natuur en milieu kier mas autoridad pa por
actua

Tuesday, 04 July 2017 21:45
1

Comparti

Tin un preocupacion pa loke ta dumpnan ilegal. Gisbert Boekhoudt di e departamento di medio
ambiente, tambe tabata parti di e reunion cu minister de Meza.

Directie natuur en milieu ta un instancia di maneho y eynan ta duna minister conseho riba e miho
maneranan pa trata e cuestion di dumpnan ilegal, con pa adresa esaki.

Herment

Boekhoudt a sigui splica cu tin dos herment. Esun di Algemene Politie verordening cu ta percura pa e
limpiesa, esta cosnan cu ta higienico pa e keda den e cuadro eynan. E ley di polis ta duna e espacio eynan
y e ley di hinderverordening ta esun cu ta tene cuenta cu e vecindario y kico un compania por haci of mag
di haci te cierto grado. Pero e mester tene cuenta cu e vecindario. Esey ta e dos leynan cu tin. Loke
Gobierno ta traha riba dje ta e parti di sostenibilidad, pa largo plazo. Como comunidad Arubiano nos ta
den desaroyo y unda nos ta bay, con nos ta anda, e hendenan cu ta anda, y con ta anda cu cosnan di
negoshi. Tambe tin cu tene cuenta cu e medio ambiente y e retonan di sostenibilidad ta combina esaki
hunto.
Eynan tambe e instancia tin un tarea, Boekhoudt ta splica.

Por actua riba dump ilegal?

Directie Natuur en Milieu tin un afdeling di inspeccion cu tin capacidad limita, pero nan ta capacita, pero
tambe tin e autoridad limita. Esey a adresa tambe den e reunionnan. E bevoegdheden tambe mester
wordo regla pa e por tuma luga. Despues di e rapport di 0 tolerancia y Ministerio Publico, a traha riba e
handhavings beleid, con pa ataca e situacionnan aki, pero Directie natuur en Milieu, ta sostene esnan cu
tin autoridad. Eseynan por actua. Loke cu nan ta haci ta bishita e luganan, pero ta haci e opname, sa e
condicion di e sitionan y eynan ta raporta tambe. Sin e autoridad, e departamento mes no por haci
mucho, pero si ta tuma e situacion y ta raporta tocante esey.