Page 98 - MIN JUS

DOW lo bay duna conseho tecnico riba kico por of no
encuanto problema na e dump di Sero Lopes/Tamarijn

Tuesday, 04 July 2017 22:01
1

Comparti

Un tempo DOW tabata maneha cierto dumpnan. Den pasado nan a maneha Gavilan y awor aki minister
de Meza y minister di infrastructura, Benny Sevinger a pidi DOW

pa bin na e reunion pa yuda pensa kico ta e posibel solucionnan cu por tin pa e dump cu ta dunando
problema na Sero Lopes/Tamarijn. Segun director di DOW, Marlon Croes, a splica cu e lo bay duna e
consehonan tecnico riba kico por y kico no por. Por ehempel si tin cu tap'e ki tipo di santo mester pa por
haci e trabao aki necesario.

E rol di DOW
Naturalmente DOW por duna conseho kico lo por haci y como cu DOW ta un departamento tecnico di
Gobierno, DOW lo por hunga un rol di haci trabao of laga haci un trabao despues di un destaho.

Algo similar cu Gavilan
Gavilan tin'e awor aki den maneho di DOW awor aki. Pero tabata tin un caso cu nan a maneha na
2012/2013 tabata e dump ilegal na Sero Patrishi cu awor aki a wordo sanea basicamente. E modelo ey
por ta un di e modelonan cu lo wordo aplica na Sero Lopes/Tamarijn.

Control

Si mira e caso, tin diferente materia cu ta wordo traha. Leynan tin cu wordo adapta. Departamentonan di
Gobierno mester haya e personal getrain pa haci e control necesario. Hopi ta e exito di e proyecto aki pa
por mantene, ta e control riba cumplimento di e leynan aki.