Page 37 - AweMainta
P. 37
AWEMainta Diamars, 08 September 2015 37
Minister Paul
Croes na
apertura Copa
Tico Kelly na veld
di Calabas
MINISTER Paul Croes, representando Prome Minister
tabata presenta na apertura di Copa Tico Kelly na veld di
Calabas na Noord. Mei mei di su pueblo di Noord, Minister
Paul Croes a felicita e organisadornan, pero particularmente
a felicita sr. Tico Kelly, kende porcierto ta sufriendo un
quebrante di salud, pa su aporte n’e organisacion di Calabas
Blue Jays, otro equiponan di Noord y pa organisa varios
torneo di softball entre nan Copa Noord.
“Ta un honor pa ta den e pueblo di Noord y gradici un baluarte
grandi di deporte di Noord pa su aporte na nos dushi bario
di Calabas y Kudawecha.
Den nomber di Gobierno danki Tico pa bo aporte grandi den
e mundo di softball y deporte en general”, tabata palabranan
di Minister Paul Croes na apertura di e Copa rib’e veld di
Calabas.
Durante un entrevista Minister Paul Croes a gradici
tur e sponsornan cu ta apoya nos deporte y tambe e
organisacionnan di softball.
Tambe Minister Paul Croes a tuma e oportunidad di gradici
famianan di Dechi Tromp (qepd) y tambe di Modesto Dede
Ruiz (qepd) p’e aporte grandi cu e dos baluartenan aki a
aporta n’e pueblo di Noord.
