Page 11 - AM240625

Diamars, 25 Juni 2024 AWEMainta DEPORTE 11

SPAÑA vs ALBANIA

PROME pais pa clasifica p’e
siguiente ronde cu 3 wega gana

y cu 9 punto ta Spaña. Spaña a
hunga cu basicamente full nan
banki, incluyendo nan keeper. Nan
pase ya tabata completo caba,

pero cu e victoria aki nan a sigura
nan prome luga den grupo B. Di
otro banda Albania, ta keda afor,
cu apenas 1 punto. Nan a ricibi e

punto aki despues di un empate
contra di Croacia.
Spaña awo lo bay enfrenta un di
e miho nan na di tercer luga cu lo

keda defini na final di e ultimo wega
dia 26 juni. Ta premira si cu esaki
lo por bira sea Hungria, Austria,
Slovakia of Slovenia.

CROACIA vs ITALIA

E wega di mas dramatico te ainda
di e Copa Europeo aki. Tur 2 pais a
subi veld cu e meta di gana. Esun cu
gana lo a pasa na di 2 luga di Grupo

B. Croacia, su capitan Luka Modric,
kende ta su ultimo Euro Cup, a
score na di 55 minuut. Un wega bon
balansa despues, caminda por a

nota un Italia cu a bay den defensa
enbes di a sigui ataca. Despues di e
90 minuut reglamentario, e referee
ta duna 10 minuut extra y aki

Italia a tuma bentaha di esaki y ta
empata e wega den di 98 minuut cu
un bunita gol do Mattia Zaccagni.
Esaki tambe ta duna Italia, kende

nan ta haciendo nan regreso den
e mundo di futbol internacional, e
puesto #2 den Grupo B y ta manda
Croacia cas. E siguiente wega den

rond di 16 pa Italia lo ta contra di e
ekipo di Suisa dia 29 juni 2024.