Page 19 - AM240625

Diamars, 25 Juni 2024 AWEMainta CULTURA • HISTORIA 19

CULTURA Y HISTORIA

E paisahe mistico di Aruba:

Formacionnan di Piedra Ayo y Casibari

Tur dos formacion ta ofrece oportunidadnan pa cana. E
formacionnan di piedra di Casibari, cu barancanan sculp-

tura pa biento, ta atende excursionistanan di tur edad. Trapi
y railing ta facilita exploracion, cu ta conduci na un bista
panoramico, cu ta inclui un bista di e costa Venezolano den
dia cla. E formacionnan di piedra di Ayo, cu tunel y gangnan

smal, ta priminti emocion, hunto cu rikesa historico.

P’e miho experencia, bishita Casibari mainta trempan of
atardi laat pa evita e calor di merdia. E clima por ta fuerte,

pa cual ta crucial pa hiba awa, sombre, bril di solo, sunblock
y sapato adecua. Programa bo bishita pa evita multitud di
turista ta garantisa un encuentro mas intimo cu e maraviya
natural aki.

Embarca den un biahe pa pasado y presente di Aruba, unda
e misterionan antiguo ta topa cu exploracion moderno den
e formacionnan di piedra di Casibari y Ayo.

ARUBA, conoci pa su topografia casi plat, ta sorprende

bishitantenan cu dos formacion di piedra extraordinario,
Casibari y Ayo. A pesar di su proximidad, cada sitio ta ofrece
un experiencia unico, contribuyendo n’e carisma di e isla.

E formacionnan di piedra di Casibari, situa den un zona resi-
dencial, ta resalta pa nan barancanan colosal di tonalita. E
trapi specialmente diseña ta guia e bishitante explorado te
n’e top, dunando un bista di 360 grado di e isla. Integracion

di un caminda pa cana y Wi-fi gratis ta mehora e experiencia.
E barancanan, misteriosamente agrupa, ta invita na inter-
pretacionnan di formanan manera parhanan y dragonnan.
E sitio ta yen di cadushi, y observadonan fortuna por mira

lagadishi, yuwana of Aruba su shoco. E origen di Casibari ta
keda un misterio, loke ta laga un sensacion di intriga liga n’e
pueblo indigena Arawak di Sur America.

Na otro banda, e formacionnan di piedra di Ayo, den un
ambiente remoto, ta asumi un aire di misterio. Considera
sagrado p’e pueblo Caquetío, e habitantenan pre-colonial,
Ayo ta ofrece piedranan imponente y dibuhonan antiguo cu

ta data di miles di aña. E sitio aki ta ofrece un biahe historico
y cultural memey di naturalesa.