Page 24 - AM240625
P. 24
24 COMUNIDAD AWEMainta Diamars, 25 Juni 2024
A recoge mas di 1100 kilo di sushi
durante RBC Beach Cleanup na Grapefield
RBC ta promoviendo un medio ambiente
saludabel y preservando nos ecosistema p’e
generacionnan futuro. Den reconocemento
di Dia di Medio Ambiente y Dia Mundial di
Ocean, un total di 750 boluntario di RBC den
ocho pais di Caribe, a participa den un limp-
iesa masivo. Durante e actividad aki, a logra
recolecta mas di 9 ton di sushi y desperdicio
na diferente beach.
Na Aruba, 27 empleado di RBC hunto cu nan
famia, a ofrece nan mes como boluntario pa
haci Grapefield Beach limpi. Durante e dia aki,
a logra recolecta 1100 kilo di sushi, contribuy-
endo significativamente na limpiesa y conser-
vacion di e area. E iniciativa aki ta parti di e
compromiso continuo di RBC pa fomenta e
conscientisacion ambiental y e accion comu-
nitario, sigurando cu e beach y e oceannan di
Caribe t’e luganan mas limpi y saludabel pa
tur.
E participacion activo di e empleadonan di
RBC y nan famia den e actividadnan aki ta
demostra e spirito di colaboracion y respon-
sabilidad pa medio ambiente. E esfuersonan
aki no solamente ta yuda mantene e beachnan
limpi, sino cu tambe ta sirbi pa educa e comu-
nidad riba e importancia di e conservacion y e
maneho adecua di e residuonan. Cu iniciativa
manera esaki RBC ta reafirma su dedicacion
na sostenibilidad y e proteccion di e ecosiste-
manan marino y di costa p’e generacionnan
venidero.
