Page 5 - AM240625
P. 5
Diamars, 25 Juni 2024 AWEMainta LOCAL 5
Candela grandi ta menasa cas na matadera
DIALUNA merdia pasa di 2:30pm e habitantenan
di Matadera a bati alarma pa un candela grandi cu
pocopoco tabata yegando nan cas.
Inmediatamente a manda un unidad di bombero n’e
sitio. Mientrastanto cu e unidad tabata na caminda,
e habitante mes a dicidi coy su slang y cuminsa na
paga e candela, p’asina evita cu su mesun cas a coy
candela of ricibi daño di esaki.
Tin di remarca cu netamente riba e dia aki, hopi
hende ta probecha cende sushi na candela, uzando
e pretexto di Dia di San Juan, un dia cu normal-
mente ta cende yerba of palo na candela ilustrando
e simbolismo di purificacion y habri caminda pa uno
nobo.
Pero sigur esaki no a mustra di ta un comienso nobo,
sino un peliger p’e bario, no solamente p’e huma,
pero tambe e peliger di expansion, den e caso aki,
cu a hera cende un cas na candela.
