Page 9 - AM230306

Dialuna, 6 Maart 2023 AWEMainta POLITICA 9

drs. Mervin Wyatt-Ras:

Evelyn Wever-Croes a firma prome cos cu Hulanda

a pone su dilanti sin boga pa necesidad di pueblo

a clausura di e Interparlamentaire
N Koninkrijksoverleg (IPKO) cu a tuma luga
e siman aki na Corsou, lamentablemente e
parlamentario di AVP, hunto cu esun di otro

pais den Caribe Hulandes, mester constata cu
e reforma den Landspakket, leu di beneficia
comunidad, ta ignora loke mas ta afectando
nan: pobresa, empleo y nos clima. A yega na

e conclusion cu gobierno di Aruba no ta infor-
mando parlamento manera mester ta, ni siki-
era su mesun fraccionnan di coalicion.

Ta p’esey un Shaliny Tromp-Lee di fraccion
MEP ta hay’e ta pidi transparencia for di e
Secretario di Estado di Hulanda, pasobra e no
ta hay’e for di su mesun prome minister y lider

di partido.
“Eynan bo ta mira un gobierno dictatorial,
un Evelyn Wever-Croes cu ta firma ki papel
cu e haya sin informa pueblo mi su propio

hendenan. Unda cu e wak un papel e ta firma,”
asina Wyatt-Ras a declara.

El a purba di haci mesun cos cu COHO, sinem-

bargo parlamento a demostra energicamente
cu no ta acepta esey y mester respeta nos
autonomia. Asina mes, el a hinca Aruba den
e convenio aki di landspakket. Wyatt-Ras:

“Ta bay haya reforma cu ta impone riba nos
pueblo, cu ta trece medida cu ne y ta empob-
rece nos pueblo tanto riba tereno social, pero
tambe salud publico.”

Pa e parlamentario ta simplemente inhusto cu
nos hendenan tin cu paga pa nan medicina y
esey ta djis un refleho cu gobierno no ta sinti

pa su pueblo.
Na fin di dia AVP a haya rason ora cu a bisa
cu e landspakket no ta na beneficio di nos
hendenan.

“Door di e gobierno descabeya aki, sin pia sin
cabes y sin vision, mentiroso, cu no ta informa
parlamento,nos tin cu bay bek na cas y haci

huiswerk pa sali na defensa di e bienestar di
nos comunidad Arubano.