Page 33 - ARUBA BANK

Vicky Arens ta directora di Cas di Cultura y tambe nos tin Mirla Passchier y co-

fundadora di Muse Theatre and Events, cu kendenan nos a hiba un combersacion riba un

evento. Ta trata di e musical Rent: the musical. Diaranson awo e lo ta su premier. Esaki ta

e prome musical internacional, un franquisia, cu Cas di Cultura y Muse a adkiri, di cual

un grupo for di New York di experto, di actor, cantantenan y bailadornan di Broadway cu

lo bin presenta na Aruba pa prome biaha.

E show ta encera un grupo di amigo den añanan 90, cu ta enfrentando yen di problema cu

ta tipico di e periodo eynan. Ta problematica di AIDS, di e cuminsamento di e revolucion

di LGBTQ, di lucha di ta un artista na New York. Esey ta e storia cu ta cana den Rent.

Kico por spera

E grupo aki ta bezig ta train pa basta tempo na New York, pero a bin dos siman delanta

pa train riba e stage di Cas di Cultura. Pueblo por spera un Broadway production riba

nivel profesional. Esey ta pa Cas di Cultura un momento historico, cu tin proyecto di e

nivel aki.

E genero ta manera un Rock Opera. No un musical por ta di e estilo Chicago of Grease,

manera hende ta relaciona cun’e, sino un Rock Opera. Pesey el a gana Tony Awards y

tambe premio Pulitzer, pasobra e tema ta algo full diferente y ta un di e musicalnan mas

actual di por ta e otro storianan di antes.