Page 80 - MIN TTC 23 MAART 2016

16 AWEMainta Diaranson, 23 Maart 2016

Vice Secretario General di Nacionnan Uni sr. M.
Gyan Chandra Acharya

Nacionnan Uni ta masha
contento cu e Center of
Excellence aki na Aruba

CONFERENCIA P3A a cuminsa diamars

mainta den Renaissance Convention Center
cu asistencia masal di participantenan di
exterior, entre nan hopi represenante di SIDS
(Small Island Developing States) y localnan
cu tin un interes special pa e temanan cu ta
wordo trata.

Alydia Wever a haci e apertura cu un “one
woman show” di baile y canto.
Prome Minister Mike Eman, no un
desconoci pa mayoria hende den sala pa su
encuentronan na Nacionnan Uni, prome cu
su discurso a pidi un minuut di silencio como
muestra di solidaridad cu Brussels na unda
atentadonan terorista a tuma luga diamars
mainta lagando atras un saldo di varios
morto y hopi herido.

Vice Secretario General di Nacionnan Uni,
sr. Acharya tabata presente na e conferencia
P3a.
E tambe a pone extra atencion na e
atentadonan cu a conmove mundo.
Siguiendo cu su discurso el a pone enfasis rib’e
Centre of Excellence cu ta wordo presenta
na e participantenan di e conferencia y cu
ta enfoca riba nacionnan isleño (SIDS) pa
comparti experiencia y informacion cu otro.

Center of Excellence na Aruba ta un
cooperacion entre tres unidad, Reino,
Nacionnan Uni y Aruba.
Sr. Acharya a splica pakico Nacionnan Uni
a scoge Aruba pa establece e Center of
Excellence.

“Nacionnan Uni semper a promove
cooperacion internacional. Esaki ta e
‘negoshi’ mas grandi di Nacionnan Uni. Si
mira e cooperacion aki y specialmente pa
loke ta SIDS t’asina cu nan mes mester busca
solucion pa tanto nan retonan como nan
aspiracionnan.

Den esaki no tin un solucion ‘one size fits all’,
pasobra cada un ta un isla riba su mes, cu su
prospecto financiero, su historia y diferente
actividad economico y na mes momento tin