Page 87 - MIN TTC 23 MAART 2016

36 AWEMainta Diaranson, 23 Maart 2016

Dushi ambiente na DIA di Himno y Bandera 2016, tabata un dia hopi
Museo Arkeologico cu
Cadushi Festival riba dushi, yen di hende contento na Museo Arkeologico,
nos Dia Nacional disfrutando di nos herencia cultural, di presentacionnan
artistico unico, di musica en bibo di antaño y moderno,
cuminda y co’i bebe dushi y saludabel y mucho mas.
Tur esaki tabata danki na e colaboracion cu Cadushi
Festival.

DJ Jemaima a toca dushi beats y a crea un ambiente
relahante y ameno den hardin di Museo, unda
artesanonan a intercambia cu bishitantenan y a presenta
nan productonan local y unico na un manera hopi
atractivo. Hopi mucha a haya un facepainting ‘tribal’ of
patriotico, bishitantenan di diferente edad a purba un
‘henna’ riba nan man y hasta algun a durf di laga lesa
‘tarot’.

Academia di Musica Harpa y Cuarta a habri e dia tocando
e bunita Himno di Aruba.
Artista Natusha Croes acompaña pa Amany a trece
un ‘performace’ hopi innovativo unda a crea musica
‘tocando’ e spinanan di e cadushi cu a transmiti sonido
via un sensor hinka den e cadushi pa un computer.
Duo musical “Waves” como tambe “Los Picaflores”
acompaña pa e vos di Raquel Lampe y Vincente Ras
riba tambu a deleita publico cu un dushi mix di musica
moderno y tradicional.

Cadushi Festival a percura pa un cushina bon surti cu
cuminda y pasaboca vegetariano y saludabel di “The
Magic Mushroom Kitchen” y ‘smoothies’ di fruta como
tambe juice di lamoenchi y di tamarijn di “Tribu’s Juze
Box”, di cual bishitantenan a disfruta masha hopi.

‘Repeat guests’ cu a bishita Museo Arkeologico dia 18
di maart a keda encanta cu atrobe a ofrece algo nobo
y diferente y hopi bishitante nobo a keda fascina p’e
salanan di exposicion innovativo y interactivo.
Alabes muchanan a ‘show off’ nan ‘cuff bracelette’, un
armband di material recicla decora cu pluma, kraalchi
y mas cu nan a traha den e kids corner di Museo.

E celebracion di 40 aña di Dia di Himno y Bandera
2016 tabata uno hopi inspirativo pa tanto personal
y boluntario di Museo Arkeologico. Museo ta hopi
agradeci na e colaboracion cu Cadushi Festival y un
danki grandi na nos boluntarionan cu a haci posibel pa
nos eventonan ta asina exitoso.