Page 32 - AHATA

UPB ta denunsia imperio di ElvisTjin-A-Sjoe den BIA N.V., esta airopuerto Flamingo. Tur kos ta
klarituklaritu. Oscar Castillo amigu íntimo di Etienne Ys a skirbi henter kampaña di ElvisTjin-A-
Sjoe pa elekshon di 2015. Etienne Ys a keda tras di kortina pa disimulá su partisipashon. Tempu

ElvisTjin-A-Sjoe tabata den UPB ea konsehá pa nombra EtienneYs komo presidente komisario di
BIA N.V. Awe Etienne a kue BIA N.V. hinka den su saku i no kier move ningun pia atras. Te hasta a
bini menasa den direkshon di Gobièrnu di Boneiru. E menasa ta ku si no prolongá EtienneYs komo

Presidente Komisario anto tur desaroyo di airopuerto ta para. Algu nunka bisto aki na Boneiru, esta
ku maneho di e kompania BIA N.V. ta menasá Gobièrnu. Kada biaha ku tin reunion plania di
akshonista di BIA N.V., ElvisTjin-A-Sjoe ta bula bin Boneiru. E último simannan tabatin dos

reunion di akshonista di BIA N.V. i tur dos biaha Elvis a bula di Aruba pa Boneiru. Algu no ta
kuadra ku e situashon aki i UPB ta denunsiá e situashon straño aki. Tur pruebanan tei pa tur hende

mira. Un di e pruebanan mas grandi ta e echo ku Elvis Tjin-A-Sjoe di un forma ilegal a pidi su
gobièrnu na fin di 2016, pa prolongá e periodo di e Presidente Komisario. Pues un aña promé ku e
término kaba ya Elvis a pidi pa prolongá e periodo. Tur esaki a sosodé sin ku a yama un reunion di
akshonistanan.

Tambe nos ta pidi tur hende pa tira un bista ken mas tin ta traha den direktiva di BIA N.V. Tin un
kara konosí einan ku tur hende sa na kua lado e ta i ta ken a nombr’é. Esaki kaminda e persona aki no
tin ningun konosementu di airopuerto, ni moveshon di hende i karga. Otro kos ta asuntu di resultado

positivo di BIA N.V. Gobièrnu i Konseho Insular a aprobá 10 mion dòler pa bai den bukinan di BIA
N.V. Awe BIA N.V. ta sali bisa ku porfin nan a logra resultado positivo nunka bisto. Na promé lugá,
no ta sabí pa un kompania ku ta pidiendo sèn for di Hulanda pa su desaroyo, pa e sali mas positivo ku

ta realístiko pa dilanti. Seguidamente e kuentanan anual no a keda aprobá ainda pa akshonistanan.
Pues BIA N.V. no por a saka e informashon aki afó. Pero e informashon a sali di Presidente

Komisario i aki tambe ta pone duda na su posishon. E sakamentu di informashon di kuenta anual ta
otro forma di buta preshon riba Gobièrnu pa prolongá e periodo di e Presidente Komisario.

Un situashon hopi konfuso i dudoso i UPB un biaha mas no por sinta man krusa sin denunsia e
situashon aki ku ta tuma lugá na BIA N.V. Di otro banda UPB ta pidi Koalishon i Konseho Insular pa

tira un bista riba e asuntu aki. Ta mas ku klaritu ku ta ElvisTjin-A-Sjoe ta tras di henter e preshonnan
ku tin awor di direktiva di BIA N.V. Ta mas ku klaro ku e Presidente Komisario ta bringa pelea

polítiko pa ElvisTjin-A-Sjoe. E kosnan aki mester kaba na Boneiru. Kada biaha nos ta dal un stap pa
dilanti i tres stap atras despues. Pasobra sierto polítikonan no ta komprondé ku tin ora bo mester stòp
di hasi polítika i mira interes general. Anto Elvis Tjin-A-Sjoe ta un di e polítikonan aki. Biba na