Page 24 - AVP

Luigi Bergen Tin Carta Importante Den Su Poder

Manera Declara Su Mes Independiente Den Mesun

Fraccion Tin Otronan Cu Mester Retira

 Local
- 24/11/2019

Noticia di retiro di e miembro di fraccion di MEP den parlamento, Luigi Bergen, sigur a
cay manera un ‘donderslag bij heldere hemel’ ya cu realmente a spera cu e lo a sigui
dilanti mescos cu otronan den e fraccion di MEP, si a wordo permiti pa sigui como
miembro di Parlamento.

Segun e informenan ricibi ta cu partido MEP a reuni cu Luigi Bergen den fin di siman
riba e situacion personal den cual el a bin ta hayando su mes y caminda lo a yega na e
decision pa e siman aki, e entrega su retiro como miembro di Parlamento y cede su
puesto na partido.

Un decision di directiva di MEP cu a lanta hopi pregunta riba e posicion cu e partido a
tuma den e caso di Bergen, mientras cu den mesun fraccion tin otro miembronan cu
tambe a haya na mes envolvi den casonan cu Husticia pero a sigui como miembro di e
fraccion.

Ya ta conoce e situacion tambe rond di e lider di fraccion di MEP, sr Rocco Tjon, kende
na varios ocasion a wordo confronta pa e miembro di partido di AVP, sr Melvin Tromp,
riba un caso tambe c’un yiu muhe pero nunca e lider di fraccion geel a demostra cu esaki
no ta berdad.