Page 26 - AVP

Minister Romero ta sigura cu no a

schors ningun hende di su oficina

Posted on 11/24/2019 9:21 pm AST | Updated on 11/24/2019 9:21 pm AST

ORANJESTAD – Den loke ta mustra di ta un clarificacion pa un asunto di un di su
ex coordinadornan y actual parlamentario Luigi Bergen, minister Chris Romero
diadomingo den un comunicado a ‘kibra silencio’ oficialmente riba e asunto.
“Minister di Transporte, Comunicacion y Sector Primario ta declara cu ningun
personal di su bureau na ningun momento a wordo manda cas y/ of wordo geschors
desde november 2017 te cu awor” e comunicado ta bisa. “ Esaki contrario na loke a
sali publica den prensa na juli di e aña aki”, e comunicado ta sigui bisa.

DEFENSA

E comunicado ta mustra cu e mandatario ta ‘sali na defensa’ di Bergen y of e kier sigura
cu no tin ningun mal comprondemento riba e asunto di Bergen. Bergen tabata den media
recientemente, unda cu tabata ‘indica’ cu e lo a keda suspendi di su funcion ora cu e
tabata traha pa minister Romero na juli ultimo. Esaki pa supuesto asunto di maltrato den
famia pa cual Romero lo a opta pa manda Bergen cas te ora cu caba investiga e asunto.
Bergen a sali na su propio defensa varios biaha, sigurando cu ningun momento el a wordo
suspendi y/of manda cas, y cu e ‘acusacionan’ ta sin base. Awe e mandatario en