Page 30 - MIN ARENDS_Neat

Summer Vacation Kick Off den Caya Grandi diasabra mainta

Friday, 30 June 2017 17:05
Comparti

Aruba Tourism Authority (ATA) conhuntamente cu Oranjestad Business Improvement District (OBID)
tin prepara un bon bini special pa e bishitantenan abordo di e crucero Disney Fantasy. Na mesun
momento ta duna inicio oficial na e temporada di vakantie grandi hunto cu e muchanan di Aruba. Pesey
ta invita pueblo di Aruba pa bin goza diasabra mainta di un evento ameno specialmente pa e muchanan.

Lo tin diferente atraccion manera baile, musica, wega y mas actividad pa e chikitinnan; tur esaki gratis y
danki na e cooperacion di ATA y comerciantenan di Caya Grandi cu tambe tin sorpresa prepara pa e
bunita rapportnan. Disney Fantasy ta haci su di dos entrada na Aruba y e biaha aki Aruba kier duna nan
un bon bini caluroso manera nos so nos por; pesey un y tur ta invita pa bin uni na e ceremonia chikito y
mustra dicon Aruba ta e One Happy Island. E crucero ta yega mainta y pa 8:30 lo ricibi e turistanan pafo
di waf cu hopi alegria y baile na Welcome Plaza banda di e porta di salida cu presentacion di Kids &
Youth In Action. For di eynan ta subi tram pa bay na Plaza Daniel Leo caminda lo tin diferente actividad
special pa mucha te cu 12’or di merdia. Di e manera aki ATA y OBID kier duna tambe un inicio na e
temporada di vakantie y premia tur e muchanan cu a haci bon na scol. Esaki ta e oportunidad pa haci
algo leuk cu e muchanan. Sali di cas trempan y disfruta di e oferta di desayuno cu Gelatissimo tin
solamente riba e dia aki y caminda cada mucha ta ricibi un cake pop gratis cu nan desayuno. Tambe lo
tin riba Plaza Daniel Leo pintamento di cara, diferente wega cu regalo, e Prinsesnan di Disney, Dino
Jump, Trampolin y cotton candy. Pa 10’or di mainta Youth In Action lo tin otro presentacion como regalo
di ATA y OBID pa publico en general, ademas di e presentacion di nos artistanan chikito. Henter e
mainta dushi aki lo ta anima pa e conocido Mark Benson. Pero e atraccionnan den Caya Grandi e
diasabra aki no ta caba eynan; tambe tin algo pa e grandinan. Tiendanan den Caya Grandi ta preparando
descuentonan special pa esnan cu bin mustra nan rapport. Pa mas informacion di tur esaki y otro
actividadnan cu OBID ta organisa pa promocion di Caya Grandi, bishita nan pagina di Facebook bou di e
nomber: T’Aki Tin.

Comentarionan (0)

http://www.24ora.com/index.php?option=com_content&view=article&id=123603:summer-vacation-
kick-off-den-caya-grandi-diasabra-mainta&catid=1:local&Itemid=5

Gobierno ta contempla kita BBO for di transporte publico

Friday, 30 June 2017 21:23
Comparti