Page 28 - MIN ARENDS_Neat

Gerald Vingal: Cu trabao conhunto por frena e

iregularidadnan cu ta sosode riba waf

Friday, 30 June 2017 19:31
Comparti

Tin un preocupacion na e momentonan aki cu tin di haber cu trafico di hende cu ta drenta y sali for di waf y pueblo
ta poco preocupa. Ta sinti cu for di eynan tin delincuentenan ta pasa, ta comete nan fechoria y ta bay bek manera
nada un pasa.

Gerald Vingal kende ta hefe di imigracion, a splica cu tin e diferencia entre hendenan cu ta yega na waf, cu tin cu
wordo ingeklaard y esunnan cu ta sali ta wordo uitgeklaard. Pa nan ta conta e mesun rekisitonan di entrada cu ta
conta na aeropuerto. Tin e parti di esnan cu ta sali for di tereno di waf y drenta bek. Imigracion ta e parti di klaar in y
klaar uit. Cu trabao conhunto por frena e iregularidadnan cu ta sosode riba waf.

Vingal a sigui splica cu awor aki ta bezig cu un comision, caminda cu tin un cooperacion cu douane, polis,
imigracion,kustwacht, maritiem politie y tambe Astec, cu ta un aña mas of menos cu nan ta doño di Barcadera cu
nan ta maneha. Astec a bin cu algun regla, con largo un hende por sali y drenta for di tereno di waf y Iasa tambe tin
su reglanan ten aanzien di cuanto hende pa cada barkito por drenta y sali for di tereno di waf.

Atrobe, por klaar un hende in, pero no tin ningun siguridad cu e persona cu ta cumpli cu tur rekisito ta drenta, no
por lesa si un hende ta criminal si of no. Unico manera cu haya un alerta di polis of haya informacion di coleganan
den region, cu tin cierto hende ta bin e ora por actua. Pero un biaha mas, si un hende cumpli cu tur cos y den e
profiling, e empleado di imigracion no ta mira nada straño na e persona, no tin control si e persona paden ta bay
comete un atraco of haci cualkier otro cos of keda ilegal.

Loke tin cu agrega, cu mirando e barkitonan na Barcadera, tin un standard mesun barkitonan cu ta drenta Aruba tur
siman y hopi biaha cu e mesun hendenan. E hendenan ey si en todo caso ta cumpli cu nan rekisitonan di entrada y e
grupo aki, bo conoce nan y bo sa con nan ta comporta nan mes y cumpli cu tur e reglanan ta existi. Vingal no ta kere
na Barcadera, hendenan cu kier keda ilegal, ta drenta via Barcadera.

Ta kere cu nan ta uza Santana di Cacho, manera tur hende sa y ultimo por mira cu door cu e control ta asina pisa
door di Kustwacht pa banda di Santana di Cacho, hendenan a cuminsa bay banda di Arashi. Pero Vingal sa
kustwacht y maritieme politie ta pone atencion riba esey. Ta dificil pa por wak na grens un hende cu ta cumpli cu tur
cos y bisa cu e hende aki ta un criminal y por evite di drenta. Si e ta cumpli cu tur rekisito, loke e haci despues, Iasa
no tin control riba esey.

Comentarionan (0)
http://www.24ora.com/index.php?option=com_content&view=article&id=123610:gerald-vingal-cu-
trabao-conhunto-por-frena-e-iregularidadnan-cu-ta-sosode-riba-waf&catid=1:local&Itemid=5