Page 65 - MIN.JUS MAY 20

Sin duna un florin di daño di perhuicio kier introduci cambionan riba autonan stuurwiel na
man drechi
Wednesday, 20 May 2015 14:39

Comparti

PDR a tuma nota cu kier cambia e decreto relaciona cu autonan cu stuurwiel otro banda. Tin diferente
pregunta cu a bin den comunidad riba esaki. Ora subi Euro Tunnel cu Paris pa otro banda ta e banda
robez bo ta core. Na Aruba a bin cu un situacion cu e autonan ta peligroso.

Si tin un test case mes cu e caso aki ta peligroso anto mester paga e doñonan aki e balor di e auto. A cobra
impuesto como gobierno y a tolera y duna keuringskaart y diripente ta cambia via keuring cu e autonan
aki no por core mas pero mester bai core na Palo MArga cu nan. A tolera esaki tur tempo y awor no por
manda hende bai para auto den cura di cas. Si kier mandanan converti e stuur di un banda pa e otro anto
mester paga pa e cambio aki como gobierno. Daño di perhuicio mester wordo paga. E actitud aki ta otro
engaño di e gobierno segun Andin Bikker. Prome cu eleccion desde 2010 tabata tin ideanan caba pa
stroba e tipo di autonan aki. No a durf pa haci e cambio aki prome cu eleccion. A warda e eleccion pasa y
awor ta claba e cos aki. Ta ehempel di engaño electoral. Sin duna un florin di daño di perhuicio kier
introduci un cambio asina. Parce na Aruba ta unico lugar na mundo ta drenta cu algo asina. Mester
convence huez cu e research aki e ta applicable. Como gobierno bo mester asumi e daño cu bo ta causa cu
un cambio asina. A puntra Andin Bikker kiko por ta un solucion pa e situacion aki? Kizas elimina e
entrada di e autonan aki na Aruba? Andin Bikker lider di PDR a splica cu esaki por ta un solucion. E
forma cu a introduci e cambio aki no ta corecto. Mester bin cu overgangsregeling pa un cambio
proporcional pasobra awor aki e ta desproporcional segun Andin Bikker. Gobierno mester tene cuenta cu
diferente cos. Como representante di pueblo tur tematica nan ta wordo acerca. E cos aki el a bolbe lanta
cabez. Ta hopi anja tabata tin e discusion pero despues di eleccion a tuma un pocision. Den pasado a yega
den reuni cu e grupo den comision permamente. Gobierno mes a invita e gruponan aki pa paradanan den
dia nacional y awor diripente ta contranan.

http://www.24ora.com/politica-mainmenu-18/95334-sin-duna-un-florin-di-dano-di-perhuicio-kier-
introduci-cambionan-riba-autonan-stuurwiel-na-man-drechi