Page 68 - MIN.JUS MAY 20

Kustwacht ta haya droga durante accion di
rescate

E Centro di Rescate y Coordinacion (RCC) di kustwacht, a haya un melding ayera, diamars, dia
19 di Mei di un tankero di petroleo, “New Paros”, cu nan a haya un boto gebolter entre Corsou y
Boneiro. Na e boto na a bin haya cuater naufrago. Riba peticion di RCC, e personanan a wordo
tuma abordo di e tankero. Tres di e personanan aki tabata di nacionalidad Colombiano y uno di
nacionalidad Dominicano.
For di base di Kustwaht na Parera dos Super-RHIB a wordo poni den funcion. Na e lugar nan a
bin haya e boto gebolter, caminda nan a purba di lastre. Durante e lastramento, dos paki di droga
a aparece. Di inmediato e naufragonan a wordo deteni y hiba pa Parera. For di eynan nan a
wordo pasa pa DGC (Dienst Georganiseerde Criminaliteit) di polis. Mas laat durante dia, e boto,
cu ayudo di Zr. Ms. Pelikaan di Marina Real a wordo lastra y hiba Corsou. E boto cu e droga a
wordo confisca y pasa pa autoridad. E caso aki ta den investigacion.

http://masnoticia.com/kustwacht-ta-haya-droga-durante-accion-di-rescate/