Page 8 - 01Ma323

PAGINA 8 DIARIO DIARANZON 1 MAART 2023
Thijsen a felicita Republica Dominicano cu

179 aña di Independencia

ORANJESTAD (AAN): Informacion for di Den Haag
ta indica cu Minister Plenipotenciario mr. Ady Thijsen
a felicita embahador di Republica Dominicano na Hu-
landa, Juan Bautista Durán cu e di 179 aniversario di
Independencia di e pais cu alavez ta celebracion di e Dia
Nacional di Republica Dominicano.
Esaki a tuma lugar durante di un recepcion ameno na
Leonardo Royal hotel na Den Haag.
Minister Thijsen a felicita embahador Bautista Durán
den nomber di Gobierno y pueblo di Aruba, sigur den e
luz di e lasonan di amistad y fraternidad cu ta existi entre
ambos pais y pueblo.
E potretnan ta cortesia di Arubahuis.
Patrick a gana bon

placa danki na Multi-X

ORANJESTAD (AAN): Mas cu claro, Patrick a cumpra su
numbernan su suerte pa e sorteo di Catochi. Y el a busca
pa hunga Multi-X cu e sorteo aki, pagando mesun suma cu
el a bet placa.
Pa su suerte, su numbernan di Catochi a sali tambe!
Dialuna el a acudi na oficina di Lotto na Playa pa busca su
premio. Ora di scan e ticket den computer, esaki a confirma
cu el a gana 4.000 Florin cu e sorteo di Catochi.
Sinembargo como cu el a hunga Multi-X, y e dia ey e
bolita di X3 a sali, esey nifica cu el a triplifica su premio.
Envez di bay cas cu 4.000 Florin, el a gana 12.000 Florin.
Mesora a start e proceso pa transferi e premio electronica-
mente pa su cuenta di banco.
Patrick a indica cu e ticket ganador el a cumpra na Lucky
Moko.