Page 16 - UTILITIES

Citgo: Derame di zeta di diamars a keda

contene mesora

Posted on 06/28/2017 6:46 pm AST | Updated on 06/28/2017 6:46 pm AST

SAN NICOLAS – E derame di zeta diamars di Citgo, no tabata grandi y a keda
contene. Asina e compania a reacciona pa medio di un comunicado breve diaranson
atardi. Segun e compania, riba diamars 27 di juni durante trabounan rutinario riba
Reef berth #2 un pozo di drenaje a lek azeta den lama. No tabata tin ningun lesion y e
equipo encarga cu derame di azeta di e refineria a actua imediatamente y a contene e
derame. Ta estima cu menos di 1 bari di azeta a keda derama. E equipo di CITGO
Aruba a mobilisa pa contene y kita e azeta for di awa y no tin notificacion di impacto
negativo.

"Proteccion di medio ambiente, salud, proteccion y seguridad di nos empleadonan y e
comunidadnan den cual nos ta biba y opera ta un balor esencial di nos compañía" e
comunicado a finalisa bisando. E foto ta di archivo di NoticiaCla di un derame di zeta
y no esun di diamars.